16 ವರ್ಷದ ಹುಡುಗನಿಗೆ ಲೈಂಗಿಕ ಕಿರುಕುಳ ನೀಡಿದ ಮಾದಕ ದ್ರವ್ಯ ವ್ಯಸನಿ

ಜೈಪುರ : 24 ವರ್ಷದ ಮಾದಕ ದ್ರವ್ಯ ವ್ಯಸನಿ ಯುವಕನೊಬ್ಬ  16 ವರ್ಷದ ಹುಡುಗನಿಗೆ ಲೈಂಗಿಕ ಕಿರುಕುಳ ನೀಡಿದ ಘಟನೆ ರಾಜಸ್ಥಾನದ ಜೈಪುರದಲ್ಲಿ ನಡೆದಿದೆ.

ಸಂತ್ರಸ್ತ ಹಾಗೂ ಆರೋಪಿ ಸಾಮಾಜಿಕ ಜಾಲತಾಣದಲ್ಲಿ ಪರಸ್ಪರ ಸಂಪರ್ಕ ಹೊಂದಿದ್ದಾರೆ. ಆರೋಪಿ ಸಂತ್ರಸ್ತನನ್ನು ತನ್ನ ಮನೆಯ ಊಟಕ್ಕೆ ಆಹ್ವಾನಿಸಿದ. ಆ ವೇಳೆ ತನ್ನ ಮನೆಯ ಟೇರೆಸ್ ಕೋಣೆಗೆ ಕರೆದು ಆತನಿಗೆ ಮತ್ತು ಬರುವ ಪಾನೀಯ ನೀಡಿ ಆ ವೇಳೆ ಆತನನ್ನು ಲೈಂಗಿಕವಾಗಿ ಬಳಸಿಕೊಂಡಿದ್ದಾನೆ.

ಬಳಿಕ ಹುಡುಗನನ್ನು ಥಳಿಸಿ ಯಾರಿಗಾದರೂ ತಿಳಿಸಿದರೆ ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿದ್ದಾನೆ. ಆದರೆ ಈ ವಿಚಾರ ತನ್ನ ಮನೆಯವರಿಗೆ ತಿಳಿಸಿದ ಹಿನ್ನಲೆಯಲ್ಲಿ ಹುಡುಗನ ಕುಟುಂಬದವರು ಪೊಲೀಸರಿಗೆ ದೂರು ನೀಡಿದ್ದು, ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.