ಆರು ಮದುವೆಯಾದರೂ ಅನುಮಾನ ಬರದೇ ಮೈಂಟೇನ್ ಮಾಡಿದ್ದ ಪತಿ!

ಹೈದರಾಬಾದ್: ಆರು ಪತ್ನಿಯರ ವಲ್ಲಭನೊಬ್ಬ ಕೊನೆಗೂ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ. ಆರು ಮದುವೆಯಾದರೂ ಇದುವರೆಗೆ ಯಾರಿಗೂ ಅನುಮಾನ ಬರದಂತೆ ನಿಭಾಯಿಸಿದ್ದ!

ಇದೀಗ ಪತ್ನಿಯರಲ್ಲಿ ಒಬ್ಬಾಕೆ ತನ್ನ ಗಂಡ ನಾಪತ್ತೆಯಾಗಿದ್ದಾನೆ ಎಂದು ಪೊಲೀಸರಿಗೆ ದೂರು ನೀಡಿದ್ದಳು. ಇದರ ವಿಚಾರಣೆ ನಡೆಸಿದಾಗ ಪೊಲೀಸರಿಗೆ ಆತ ಈ ಮೊದಲೇ ಐದು ಮದುವೆಯಾಗಿರುವುದು ತಿಳಿದುಬಂದಿದೆ.

ಅಚ್ಚರಿಯೆಂದರೆ ಈ ಐದೂ ಪತ್ನಿಯರಿಗೂ ಆತ ಬೇರೆ ಮದುವೆಯಾಗಿರುವುದು ಗೊತ್ತಿರಲಿಲ್ಲ. ಮದುವೆಯಾಗಿ ಪತ್ನಿಯ ಚಿನ್ನಾಭರಣಗಳನ್ನು ವಶಮಾಡಿಕೊಳ್ಳುವುದೇ ಈತನ ಕೆಲಸವಾಗಿತ್ತು. ಇದೀಗ ಪೊಲೀಸರು ಆತನನ್ನು ಸೆರೆಹಿಡಿದಿದ್ದಾರೆ.