ಅಹಮ್ಮದಾಬಾದ್: ಮದುವೆಗೆ ಸಿಕ್ಕ ಗಿಫ್ಟ್ ನೋಡಲು ಹೋಗಿ ವರನಿಗೆ ಸ್ಪೋಟದಿಂದ ಗಾಯವಾದ ಘಟನೆ ಗುಜರಾತ್ ನಲ್ಲಿ ನಡೆದಿದೆ.
ಮದುವೆಗೆ ಬಂದವರಲ್ಲಿ ವಧುವಿನ ಹಳೇ ಬಾಯ್ ಫ್ರೆಂಡ್ ಕೂಡಾ ಇದ್ದ. ಈತನೇ ಜಿಲೆಟಿನ್ ಸ್ಪೋಟಕ ತುಂಬಿದ ಗಿಫ್ಟ್ ಬಾಕ್ಸ್ ನೀಡಿರಬಹುದು ಎಂಬ ಶಂಕೆಯಿದೆ.
ಗಿಫ್ಟ್ ಗಳನ್ನು ನೋಡುವಾಗ ವರ ಈ ಬಾಕ್ಸ್ ತೆರೆದಿದ್ದು, ಸ್ಪೋಟಗೊಂಡು ತೀವ್ರ ಗಾಯಗೊಂಡಿದ್ದಾನೆ. ವರನ ಪಕ್ಕದಲ್ಲೇ ಇದ್ದ 3 ವರ್ಷದ ಮಗುವೊಂದಕ್ಕೂ ಗಾಯವಾಗಿದೆ. ಇದೀಗ ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ವಧುವಿನ ಬಾಯ್ ಫ್ರೆಂಡ್ ಮೇಲೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
