ಮಗನ ಜೊತೆಗೆ ಹಳೇ ವೈಷಮ್ಯಕ್ಕೆ ತಂದೆಯ ಬಲಿ

ಪುಣೆ: ಮಗನ ಜೊತೆ ಹಳೇ ವೈಷಮ್ಯಕ್ಕೆ ಮೂವರು ಅಪ್ರಾಪ್ತ ಯುವಕರು ಆತನ ತಂದೆಯನ್ನು ಕೊಲೆ ಮಾಡಿರುವ ಘಟನೆ ಪುಣೆಯಲ್ಲಿ ನಡೆದಿದೆ.

52 ವರ್ಷದ ವ್ಯಕ್ತಿ ಕೊಲೆಯಾಗಿದ್ದು, ಈ ಸಂಬಂಧ 17 ವರ್ಷ ಆಸುಪಾಸಿನ ಮೂವರನ್ನು ಬಂಧಿಸಲಾಗಿದೆ. ಮಗಳ ಎದುರೇ ತಂದೆಯನ್ನು ಕೊಲೆ ಮಾಡಲಾಗಿದೆ. ಈ ಸಂಬಂಧ ಮಗಳು ಪೊಲೀಸರಿಗೆ ದೂರು ನೀಡಿದ್ದಳು.

ಹುಡುಗಿಯೊಬ್ಬಳ ಜೊತೆ ಸ್ನೇಹ ಸಂಬಂಧದ ವಿಚಾರವಾಗಿ ಕೊಲೆಗೀಡಾದ ವ್ಯಕ್ತಿಯ ಪುತ್ರ ಮತ್ತು ಮೂವರು ಆರೋಪಿಗಳ ನಡುವೆ ಈ ಹಿಂದೆ ವೈಮನಸ್ಯವಾಗಿತ್ತು. ಅದೇ ಧ್ವೇಷಕ್ಕೆ ಈಗ ತಂದೆಯನ್ನು ಕೊಲೆ ಮಾಡಲಾಗಿದೆ.