ಕೋಲ್ಕತ್ತಾ: ಸರ್ಕಾರಿ ಆಸ್ಪತ್ರೆಯಲ್ಲಿ ಯುವ ವೈದ್ಯೆಯ ಮೇಲೆ ನಡೆದ ಅತ್ಯಾಚಾರ ಮತ್ತು ಹತ್ಯೆ ಇಡೀ ದೇಶವನ್ನೇ ಬೆಚ್ಚಿಬೀಳಿಸಿದೆ. ಭಾರತದಾದ್ಯಂತ ಮಹಿಳೆಯರು ಬೀದಿಗಿಳಿದಿದ್ದಾರೆ ಮತ್ತು ವೈದ್ಯರು ಮುಷ್ಕರ ನಡೆಸಿದ್ದಾರೆ. ಈ ಘೋರ ಅಪರಾಧವು ಜನರನ್ನು ವಿಚಲಿತಗೊಳಿಸಿದ್ದು, ಜನಸಾಮಾನ್ಯರಲ್ಲಿ ಕೋಪವನ್ನು ಉಂಟುಮಾಡಿದೆ.
ಇದೀಗ ಪ್ರಕರಣ ಸಂಬಂಧ ಹಲವಾರು ತಪ್ಪು ಮಾಹಿತಿಗಳು ಆನ್‌ಲೈನ್‌ನಲ್ಲಿ ಹರಿದಾಡುತ್ತಿದೆ ಎಂದು ಪೊಲೀಸರು ಹೇಳಿದ್ದಾರೆ.
ಪೊಲೀಸರು ತಿರಸ್ಕರಿಸಿದ ಕೆಲವು ಮಾಹಿತಿಗಳು ಇಲ್ಲಿವೆ:
1: ಪೆಲ್ವಿಕ್ ಮುರಿತ: ಮ್ಯಾಜಿಸ್ಟ್ರೇಟ್ ಮುಂದೆ ನಡೆಸಲಾದ 31 ವರ್ಷದ ವೈದ್ಯೆಯ ಶವಪರೀಕ್ಷೆಯನ್ನು ವೀಡಿಯೊಗ್ರಾಫ್ ಮಾಡಲಾಗಿದೆ. ಇದರಲ್ಲಿ ಯಾವುದೇ ಮುರಿತವನ್ನು ಉಲ್ಲೇಖವಾಗಿಲ್ಲ. ಸಾಮಾಜಿಕ ಮಾಧ್ಯಮ ಪೋಸ್ಟ್‌ಗಳು, ವಿಶೇಷವಾಗಿ ಇನ್‌ಸ್ಟಾಗ್ರಾಮ್‌ನಲ್ಲಿ ಪೆಲ್ವಿಕ್ ಕವಚ ಮುರಿತವಾಗಿತ್ತು ಎಂದು ಹೇಳಲಾಗುತ್ತಿದೆ. ಇದನ್ನು ಕೂಡ ಪೊಲೀಸರು ಅಲ್ಲಗಳೆದಿದ್ದಾರೆ.
2: 'ಅಸ್ವಾಭಾವಿಕ ಸಾವು'
ಅಸ್ವಾಭಾವಿಕ ಸಾವಿನ ಪ್ರಕರಣ ದಾಖಲಿಸಿರುವುದು ಅನುಮಾನಕ್ಕೆ ಎಡೆಮಾಡಿಕೊಟ್ಟಿದ್ದು, ದೂರು ದಾಖಲಿಸಿಕೊಳ್ಳದ ಆಸ್ಪತ್ರೆ ಆಡಳಿತವನ್ನು ತರಾಟೆಗೆ ತೆಗೆದುಕೊಂಡಿದೆ ಎಂದು ಕಲ್ಕತ್ತಾ ಹೈಕೋರ್ಟ್ ಹೇಳಿದೆ. ಕಾರ್ಯವಿಧಾನದ ವಿಷಯವಾಗಿ, ದೂರು ಇಲ್ಲದಿದ್ದಲ್ಲಿ ಪೊಲೀಸರು ಆಗಾಗ್ಗೆ ಅಸಹಜ ಸಾವಿನ ಪ್ರಕರಣವನ್ನು ದಾಖಲಿಸುತ್ತಾರೆ. ಅಸ್ವಾಭಾವಿಕ ಸಾವಿನ ಪ್ರಕರಣಗಳು ದೂರು ಅಥವಾ ಮರಣೋತ್ತರ ಪರೀಕ್ಷೆಯ ವರದಿಯನ್ನು ಸ್ವೀಕರಿಸಿದ ನಂತರ ಕೊಲೆ ತನಿಖೆಗಳಾಗಿ ಬದಲಾಗಬಹುದು ಎಂದು ಸ್ಪಷ್ಟಣೆ ನೀಡಿದರು.
ಅಸ್ವಾಭಾವಿಕ ಸಾವಿನ ಪ್ರಕರಣಗಳಲ್ಲಿ ಆತ್ಮಹತ್ಯೆ, ಕೊಲೆ, ಅಪಘಾತ ಸೇರಿವೆ. CrPC ಯ 174 ಮತ್ತು BNS ನ ಅನುಗುಣವಾದ ವಿಭಾಗವು ಇದನ್ನು ವಿವರಿಸುತ್ತದೆ. ದೂರಿನ ಅನುಪಸ್ಥಿತಿಯಲ್ಲಿ ತನಿಖೆಯನ್ನು ಪ್ರಾರಂಭಿಸಲು ಇದು ಕೇವಲ ಕಾನೂನು ಸಾಧನ ಅಥವಾ ಕಾರ್ಯವಿಧಾನವಾಗಿದೆ.
ಕೋಲ್ಕತ್ತಾ ಪೊಲೀಸ್ ಮುಖ್ಯಸ್ಥ ವಿನೀತ್ ಗೋಯಲ್, "ಅಸ್ವಾಭಾವಿಕ ಸಾವಿನ ಪ್ರಕರಣವು ಸಹಜ ಪ್ರಕ್ರಿಯೆ, ಕೊಲೆ ಅಸಹಜ ಸಾವು, ತಕ್ಷಣದ ದೂರು ಇಲ್ಲದಿದ್ದಾಗ, ನೀವು ವಿಚಾರಣೆ ನಡೆಸಬೇಕು, ಅಸ್ವಾಭಾವಿಕ ಸಾವಿನ ಪ್ರಕರಣದಿಂದ ವಿಚಾರಣೆಗೆ ಮುಂದಾಗಿದೆ. ಹಾಗಾಗಿ, ನಾನು ಹೇಳುತ್ತೇನೆ. ಅಸಹಜ ಸಾವಿನ ಪ್ರಕರಣವನ್ನು ದಾಖಲಿಸುವ ಮೂಲಕ ನಾವು ವಿಷಯವನ್ನು ಮುಚ್ಚಿಹಾಕಲು ಮತ್ತು ಅದನ್ನು ಆತ್ಮಹತ್ಯೆ ಪ್ರಕರಣದಂತೆ ಮಾಡಲು ಬಯಸಿದ್ದೇವೆ ಎಂದು ಏಕೆ ಹೇಳಲಾಗುತ್ತಿದೆ ಎಂದು ಸ್ಪಷ್ಟನೆ ನೀಡಿದರು.
150 mg ವೀರ್ಯ?
ವೈದ್ಯಯ ದೇಹದಲ್ಲಿ 150 ಮಿಗ್ರಾಂ ವೀರ್ಯ ಪತ್ತೆಯಾಗಿದ್ದು, ಆ ಮೂಲಕ ಸಾಮೂಹಿಕ ಅತ್ಯಾಚಾರವೆಸಗಲಾಗಿದೆ ಎಂದು ವೈರಲ್ ಮಾಡಲಾಗುತ್ತಿದೆ. ಆಕೆಯ ಕುಟುಂಬ ಕಲ್ಕತ್ತಾ ಹೈಕೋರ್ಟ್‌ನಲ್ಲಿ ಸಲ್ಲಿಸಿದ ಅರ್ಜಿಯೇ ಈ ಮಾಹಿತಿಯ ಮೂಲವಾಗಿದೆ. ಆದರೆ, ಪೊಲೀಸ್ ಮುಖ್ಯಸ್ಥರು ಇದನ್ನು ಅಲ್ಲಗಳೆದಿದ್ದಾರೆ. ಪತ್ರಿಕಾಗೋಷ್ಠಿಯಲ್ಲಿ, ಶ್ರೀ ಗೋಯಲ್, "ಯಾರೋ 150 ಗ್ರಾಂ ವೀರ್ಯ ಪತ್ತೆಯಾಗಿದೆ ಎಂದು ಹೇಳಿದರು. ಅವರಿಗೆ ಈ ರೀತಿಯ ಮಾಹಿತಿ ಎಲ್ಲಿಂದ ಸಿಕ್ಕಿತು ಎಂದು ನನಗೆ ತಿಳಿದಿಲ್ಲ. ಮತ್ತು ಇದು ಎಲ್ಲಾ ರೀತಿಯ ಮಾಧ್ಯಮಗಳಲ್ಲಿ ಪ್ರಸಾರವಾಗುತ್ತಿದೆ. ಜನರು ನಂಬಲು ಪ್ರಚೋದಿಸುತ್ತಿದ್ದಾರೆ. ಮತ್ತು ಅವರು ಜನರಲ್ಲಿ ಗೊಂದಲವನ್ನು ಸೃಷ್ಟಿಸಲು ಪ್ರಯತ್ನಿಸುತ್ತಿದ್ದಾರೆ.
4: ಶಂಕಿತರ ಹೆಸರುಗಳು
ಕೆಲವು ಸಾಮಾಜಿಕ ಮಾಧ್ಯಮ ಪೋಸ್ಟ್‌ಗಳು ವೈದ್ಯರ ಕೆಲವು ಸಹೋದ್ಯೋಗಿಗಳನ್ನು ಶಂಕಿತರೆಂದು ಹೆಸರಿಸಿದೆ. ಮೂಲಗಳು ಹೇಳುವಂತೆ ಪೋಷಕರು ಶಂಕಿತರ ಹೆಸರುಗಳ ಪಟ್ಟಿಯನ್ನು ಸಿಬಿಐನೊಂದಿಗೆ ಹಂಚಿಕೊಂಡಿದ್ದಾರೆ, ಬಂಧಿತ ನಾಗರಿಕ ಸ್ವಯಂಸೇವಕನನ್ನು ಹೊರತುಪಡಿಸಿ ಯಾವುದೇ ಸಂಸ್ಥೆ ದಾಖಲೆಯಲ್ಲಿ ಯಾರನ್ನೂ ಹೆಸರಿಸಿಲ್ಲ.<>