ಮಗಳನ್ನು ಕೊಂದು ತಾವೂ ನೇಣಿಗೆ ಶರಣಾದ ದಂಪತಿ

ಥಾಣೆ: ನಾಲ್ಕು ವರ್ಷದ ಮುಗ್ಧ ಮಗಳನ್ನು ಕೊಂದು ದಂಪತಿ ತಾವೂ ನೇಣಿಗೆ ಶರಣಾದ ಘಟನೆ ಥಾಣೆಯಲ್ಲಿ ನಡೆದಿದೆ. ಆಸ್ತಿ ಕಲಹಕ್ಕೆ ಸಂಬಂಧಿಸಿದಂತೆ ದಂಪತಿ ಈ ಕೃತ್ಯವೆಸಗಿದ್ದಾರೆ.

ತಮ್ಮ 10 ಎಕರೆ ಜಮೀನಿನ ವಿವಾದ ಸಂಬಂಧ ಹಲವು ಮಂದಿ ಕಳೆದ ಕೆಲವು ದಿನಗಳಿಂದ ಕಿರುಕುಳ ನೀಡುತ್ತಿದ್ದರು. ಈ ಕಾರಣಕ್ಕೆ ಬೇಸತ್ತು ಜೀವ ಕೊನೆಗಾಣಿಸುತ್ತಿರುವುದಾಗಿ ದಂಪತಿ ಸಾವಿಗೆ ಮುನ್ನ ಸಹೋದರನಿಗೆ ವ್ಯಾಟ್ಸಪ್ ಮಾಡಿದ್ದರು.

ಈ ಸಂಬಂಧ ಕಿರುಕುಳ ನೀಡುತ್ತಿದ್ದ 13 ಮಂದಿಯನ್ನು ಪೊಲೀಸರು ವಿಚಾರಣೆಗೊಳಪಡಿಸಿದ್ದಾರೆ. ಮೃತದೇಹಗಳನ್ನು ಪೋಸ್ಟ್ ಮಾರ್ಟಂಗೆ ಕಳುಹಿಸಲಾಗಿದೆ.