ಕಾರು ಟೆಂಪೋ ಅಪಘಾತ: ನವದಂಪತಿ ಸೇರಿ 7ಮಂದಿ ದುರ್ಮರಣ

ಬಿಜ್ನೋರ್:  ಕಾರು ಮತ್ತು ಟೆಂಪೋ ಅಪಘಾತಕ್ಕೀಡಾಗಿ ನವದಂಪತಿ ಸೇರಿ 7 ಮಂದಿ ಸಾವನ್ನಪ್ಪಿರುವ ಘಟನೆ ಉತ್ತರ ಪ್ರದೇಶದ ಬಿಜ್ನೋರ್‌ನಲ್ಲಿ ನಡೆದಿದೆ.

ಇಂದು ಮುಂಜಾನೆ 2 ಗಂಟೆ ಸುಮಾರಿಗೆ ಡೆಹಾರಾಡೂನ್ ನೈನಿತಾಲ್ ಹೆದ್ದಾರಿಯ ಧಂಪುರ ಬಳಿ ಈ ಅವಘಡ ಸಂಭವಿಸಿದೆ.

ಮದುವೆ ಮುಗಿಸಿ ವಾಪಾಸ್ಸಾಗುತ್ತಿದ್ದ ವೇಳೆ ದುರ್ಘಟನೆ ಸಂಭವಿಸಿದ್ದು,  ಏಳು ಜನರು ಸಾವನ್ನಪ್ಪಿದ್ದಾರೆ ಎಂದು ಪೊಲೀಸರು ಶನಿವಾರ ತಿಳಿಸಿದ್ದಾರೆ. ಅವರು ಬಿಹಾರದಲ್ಲಿ ಮದುವೆಗೆ ಬರುತ್ತಿದ್ದರು.

ಆಟೋಗೆ ಕಾರು ಡಿಕ್ಕಿ ಹೊಡೆದಿದ್ದು, ಆಟೋದಲ್ಲಿ 7 ಜನರಿದ್ದು, ಈ ಪೈಕಿ 6 ಮಂದಿ ಸಾವನ್ನಪ್ಪಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಆಟೋ ಚಾಲಕ ಚಿಕಿತ್ಸೆ ಪಡೆಯುತ್ತಿದ್ದು, ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದಾನೆ.

ಬಿಹಾರದಲ್ಲಿ ಮದುವೆ ಮುಗಿಸಿ ಬಿಜ್ನೋರ್‌ಗೆ ಕುಟುಂಬ ವಾಪಸಾಗುತ್ತಿತ್ತು. ವಧು-ವರರು ಹಾಗೂ ಕುಟುಂಬದ ನಾಲ್ವರು ಸಾವನ್ನಪ್ಪಿದ್ದಾರೆ. ಇಬ್ಬರು ಗಾಯಗೊಂಡಿದ್ದು, ಸಿಎಚ್‌ಸಿಗೆ ದಾಖಲಾಗಿದ್ದಾರೆ. ದಟ್ಟ ಮಂಜಿನಿಂದಾಗಿ ಅಪಘಾತ ಸಂಭವಿಸಿದೆ ಎಂದು ಎಸ್‌ಪಿ ಬಿಜ್ನೋರ್ ಅಭಿಷೇಕ್ ತಿಳಿಸಿದ್ದಾರೆ.<>