ನವದೆಹಲಿ: ಪೌರತ್ವ ಖಾಯಿದೆಗೆ ವಿರೋಧ ವ್ಯಕ್ತಪಡಿಸುತ್ತಿರುವ ಕಾಂಗ್ರೆಸ್ ಮತ್ತು ನಾಯಕ ರಾಹುಲ್ ಗಾಂಧಿಗೆ ಗೃಹ ಸಚಿವ ಅಮಿತ್ ಶಾ ಸವಾಲು ಹಾಕಿದ್ದಾರೆ.
ಪೌರತ್ವ ಖಾಯಿದೆ ಮುಸ್ಲಿಂ ವಿರೋಧಿ ಎಂದು ರಾಹುಲ್ ಗಾಂಧಿ ಸಾಬೀತುಪಡಿಸಲಿ ಎಂದು ಅಮಿತ್ ಶಾ ಸವಾಲು ಹಾಕಿದ್ದಾರೆ. ಈ ಖಾಯಿದೆಯಿಂದ ಮುಸ್ಲಿಮರನ್ನು ಹೊರಗಿಟ್ಟು ಕೇಂದ್ರ ಅಲ್ಪಸಂಖ್ಯಾತರಿಗೆ ಅನ್ಯಾಯ ಮಾಡುತ್ತಿದೆ ಎನ್ನುತ್ತಿರುವ ರಾಹುಲ್ ಇದನ್ನು ಸಾಬೀತುಪಡಿಸಲಿ ಎಂದಿದ್ದಾರೆ.
ಕಾಂಗ್ರೆಸ್ ಮತ್ತು ಅದರ ನಾಯಕರು ಸಿಎಎ ಮುಸ್ಲಿಮ್ ವಿರೋಧಿ ಎಂದು ತಮ್ಮ ಸ್ವಾರ್ಥಕ್ಕಾಗಿ ಸುಳ್ಳು ಸುದ್ದಿ ಹಬ್ಬಿಸುತ್ತಿದ್ದಾರೆ. ಈ ಖಾಯಿದೆಯಲ್ಲಿ ಮುಸ್ಲಿಮರ ನಾಗರಿಕತನ ಕಿತ್ತುಕೊಳ್ಳುವ ಯಾವುದಾದದರೂ ಅಂಶವಿದೆಯೇ ಎಂಬುದನ್ನು ಮೊದಲು ರಾಹುಲ್ ಸಾಬೀತುಪಡಿಸಲಿ ಎಂದು ಅಮಿತ್ ಶಾ ಸವಾಲು ನೀಡಿದ್ದಾರೆ.
