ವಿದ್ಯಾರ್ಥಿನಿ ಮೇಲೆ ಶಿಕ್ಷಕನಿಂದ ಅತ್ಯಾಚಾರ

ಜೈಪುರ: ಗುರು-ಶಿಷ್ಯ ಎಂಬ ಪವಿತ್ರ ಸಂಬಂಧವೇ ಈ ಕಾಲದಲ್ಲಿ ಹಾಳಾಗಿದೆ. ಇದೀಗ ಮತ್ತೊಂದು ಅಂತಹದ್ದೇ ಘಟನೆ ರಾಜಸ್ಥಾನ್ ನಲ್ಲಿ ನಡೆದಿದೆ.

6 ನೇ ತರಗತಿಯ 11 ವರ್ಷದ ಮುಗ್ಧ ಬಾಲಕಿ ಮೇಲೆ ಶಿಕ್ಷಕನೇ ಅತ್ಯಾಚಾರವೆಸಗಿದ್ದಾನೆ. ಮಂಗಳವಾರ ಶಾಲೆಗೆ ಹೋದವಳು ಸಂಜೆಯಾದರೂ ಮನೆಗೆ ಬಾರದೇ ಹೋದಾಗ ತಾಯಿ ಹುಡುಕಿಕೊಂಡು ಹೋಗಿದ್ದಾರೆ.

ಈ ವೇಳೆ ಬೀಗ ಹಾಕಿದ್ದ ಕೊಠಡಿಯೊಂದರಿಂದ ಅಳುವ ಸದ್ದು ಕೇಳಿ ಬಾಗಿಲು ಒಡೆದು ನೋಡಿದ್ದಾರೆ. ಅಲ್ಲಿ ಶಿಕ್ಷಕನೊಂದಿಗೆ ಬಾಲಕಿಯಿದ್ದುದನ್ನು ನೋಡಿ ತಾಯಿಗೆ ಶಾಕ್ ಆಗಿದೆ. ಗಾಬರಿಯಿಂದ ಆರೋಪಿ ಶಿಕ್ಷಕ ಓಡಿ ಹೋಗಿದ್ದಾನೆ. ಪೋಷಕರು ಪೊಲೀಸರಿಗೆ ದೂರು ನೀಡಿದ್ದು ಆರೋಪಿಯನ್ನು ಬಂಧಿಸಲಾಗಿದೆ.