ಮನೆಯಲ್ಲಿ ತುಳಸಿ ಗಿಡ ಇಟ್ಟಕೊಂಡು ಕಾಲೇಜು ವಿದ್ಯಾರ್ಥಿಗಳನ್ನ ದೇವರ ದರ್ಶನದ ಹೆಸರಿನಲ್ಲಿ ಅಕ್ರಮ ಮಾದಕ ವಸ್ತು ಮಾರಾಟ ಮಾಡ್ತಿದ್ದ ನಟೋರಿಯಸ್ ಆಂಟಿಯ ಅಡ್ಡೆಯ ಮೇಲೆ ದಾಳಿ ಮಾಡಲಾಗಿದೆ.
ಅಬಕಾರಿ ಪೊಲೀಸರು ದಾಳಿ ಮಾಡಿದ್ದಾರೆ. ಬೀದರ್ ಜಿಲ್ಲೆಯ ಭಾಲ್ಕಿ ಪಟ್ಟಣದ ಬಸವನಗರ ಬಡಾವಣೆಯಲ್ಲಿ ರೇಣುಕಾ ಜಲ್ದೆ ಎಂಬ ಮಹಿಳೆ ಕಾಲೇಜು ವಿದ್ಯಾರ್ಥಿಗಳಿಗೆ ನಶೆ ಎರಿಸುವ ಡ್ರಗ್ಸ್ ಮಾರಾಟ ಮಾಡುತ್ತಿದ್ದಳು. ಮನೆಯ ಅಂಗಳದಲ್ಲಿ ತುಳಸಿ ಗಿಡದ ಪಕ್ಕದಲ್ಲೆ ಪೋದೆಯೊಂದರಲ್ಲಿ ಭೂಮಿ ಅಗೆದು ಒಳಗೆ ಡ್ರಗ್ಸ್ ಇಟ್ಟು ದರ್ಶನದ ನೆಪ ಮಾಡಿ ಬರುವ ಯುವಕರಿಗೆ ಮಾರಾಟ ಮಾಡ್ತಿದ್ದಳು.
ಈ ದಂಧೆ ಮೇಲ್ಮೋಟಕ್ಕೆ ಸಾಮಾನ್ಯವಾಗಿ ಕಂಡು ಬಂದರು ಇಷ್ಟೊಂದು ಜನ ಯಾಕೆ ಈ ಮನೆಯತ್ತ ಹೋಗ್ತಿದ್ದಾರೆ ಅಂತ ಅನುಮಾನ ಬಂದ ಕೆಲವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ತಕ್ಷಣ ಎಚ್ಚೆತ್ತುಕೊಂಡ ಅಧಿಕಾರಿಗಳ ತಂಡ ದಾಳಿ ನಡೆಸಿದೆ. ಅಬಕಾರಿ ಜಿಲ್ಲಾಧಿಕಾರಿ ಶಿವಪ್ರಕಾಶ್, ಡ್ರಗ್ಸ್ ಕಂಟ್ರೋಲ್ ಅಧಿಕಾರಿ ಶರಣಬಸಪ್ಪ ಸೇರಿದಂತೆ ಅಧಿಕಾರಿಗಳ ತಂಡ ಮಹಿಳೆ ಮನೆ ಮೇಲೆ ದಾಳಿ ನಡೆಸಿದೆ. ದಾಳಿ ವೇಳೆಯಲ್ಲಿ ಅಪಾರ ಪ್ರಮಾಣದ ಮತ್ತೆರಿಸುವ ಮಾತ್ರೆಗಳು ಪತ್ತೆಯಾಗಿವೆ. ರೇಣುಕಾ ಜಲ್ದೆ ಅವಳನ್ನು ಬಂಧಿಸಿರುವ ಪೊಲೀಸರು ಪರಾರಿಯಾದ ಆಕೆಯ ಗಂಡ ಸಂಜೀವಕುಮಾರ್ ಜಲ್ದೆ ಪತ್ತೆಗಾಗಿ ಜಾಲ ಬೀಸಿದ್ದಾರೆ.