ಬೆಂಗಳೂರಿನಲ್ಲಿ ಭಾರೀ ಮಳೆಗೆ ಕೊಚ್ಚಿ ಹೋದ ತಾಯಿ, ಮಗಳು

ಬೆಂಗಳೂರು:ನಗರದಲ್ಲಿ ಸುರಿಯುತ್ತಿರುವ ಭಾರೀ ಮಳೆಗೆ ತಾಯಿ, ಮಗಳು ಕೊಚ್ಚಿ ಹೋಗಿರುವ ಘಟನೆ ಲಗ್ಗೆರೆಯಲ್ಲಿ ನಡೆದಿದೆ.

ಲಗ್ಗೆರೆಯ ಪುಷ್ಪಾ ಹಾಗೂ ಪುತ್ರಿ ಕೊಚ್ಚಿ ಹೋಗಿದ್ದು, ಈ ಸಂಬಂಧ ಪುಷ್ಪಾ ಪತಿ ಶಿವದೊಡ್ಡಯ್ಯ ದೂರು ದಾಖಲಿಸಿದ್ದಾರೆ.

ಕೂಲಿಕಾರ್ಮಿಕನಾಗಿ ಜೀವನ ನಡೆಸುತ್ತಿರುವ ಶಿವದೊಡ್ಡಯ್ಯ, ಕುರುಬರಹಳ್ಳಿಯ 19ನೇ ಮುಖ್ಯರಸ್ತೆಯ ಮನೆಯೊಂದರಲ್ಲಿ ವಾಸವಿದ್ದರು. ನಗರದಲ್ಲಿ ಸುರಿದ ಭಾರೀ ಮಳೆಯಿಂದ ಇವರ ಮನೆಗೆ ನೀರು ನುಗ್ಗಿದ್ದು, ಆ ರಭಸಕ್ಕೆ ಶಿವದೊಡ್ಡಯ್ಯ ಪತ್ನಿ ಪುಷ್ಪಾ ಹಾಗೂ ಮಗಳು ಕೊಚ್ಚಿ ಹೋಗಿದ್ದರು.

ಈ ಸಂಬಂಧ ಪುಷ್ಪಾ ಪತಿ ಶಿವದೊಡ್ಡಯ್ಯ ಮಹಾಲಕ್ಷ್ಮಿ ಲೇಔಟ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.