ಹುಡುಗಿಯರನ್ನ ಇಂಪ್ರೆಸ್ ಮಾಡಲು ಹೋಗಿ ಜೈಲು ಪಾಲಾದರು

ಹುಡುಗಿಯರ ಗೀಳಿಗೆ ಒಳಗಾಗಿದ್ದ ಭೂಪರು ಅವರನ್ನು ಇಂಪ್ರೆಸ್ ಮಾಡಲು ಕಳ್ಳತನಕ್ಕೆ ಇಳಿದು ಇದೀಗ ಪೊಲೀಸರ ಅತಿಥಿಯಾಗಿದ್ದಾರೆ.

ಡಿಗ್ರಿ ಓದುತ್ತಿದ್ದ ಹಾಗೂ ಒಬ್ಬ ಅಪ್ರಾಪ್ತ ಸೇರಿ ಟಿಕ್ ಟಾಕ್ ಗೀಳು ಅಂಟಿಸಿಕೊಂಡಿದ್ದರು. ಹುಡುಗಿಯರನ್ನು ಇಂಪ್ರೆಸ್ ಮಾಡಲೇಬೇಕೆಂದು ಹಠಕ್ಕೆ ಬಿದ್ದು ಕ್ಯಾಮೆರಾ ಕದ್ದರು. ಆ ಬಳಿಕ ಲ್ಯಾಪಟಾಪ್, ಬೈಕ್ ಕಳ್ಳತನ ಮಾಡಿದ್ರು.

ಇನ್ನು, ತಮ್ಮ ಹವಾ ಇನ್ನೂ ಜೋರಾಗಬೇಕೆಂದು ಆರೇಳು ಮನೆಗಳಲ್ಲಿ ನಗ, ನಾಣ್ಯ, ಚಿನ್ನಾಭರಣಗಳನ್ನು ಕದ್ದರು. ಹುಡುಗಿಯರ ಇಂಪ್ರೆಸ್ ಮಾಡಲು ಹೋಗಿ ಕೊನೆಗೆ ಪೊಲೀಸರ ಬಲೆಗೆ ಸಂಪತ್, ಸಂತೋಷ್ ಹಾಗೂ ಅಪ್ರಾಪ್ತ ಬಾಲಕ ಬಿದ್ದಿದ್ದಾರೆ. ಬೆಳಗಾವಿಯಲ್ಲಿ ಈ ಘಟನೆ ನಡೆದಿದೆ.