ಕಳೆದ ನಾಲ್ಕು ತಿಂಗಳುಗಳಿಂದ ಹಿಂಬಾಲಿಸಿ 22 ವರ್ಷದ ಯುವತಿಯನ್ನು ಪ್ರೀತಿಸಲು ಹೋಗಿ ಮುಖಭಂಗ ಅನುಭವಿಸಿದ್ದ ಎರಡು ಮಕ್ಕಳ ತಂದೆಯೊಬ್ಬ, ಆಕೆಯ ಮೇಲೆ ಸೇಡು ತೀರಿಸಿಕೊಂಡ ಘಟನೆ ವರದಿಯಾಗಿದೆ.
ಆರೋಪಿ ನಿಲೇಶ್ ಪಟೇಲ್, ತನ್ನ ಮೊಬೈಲ್‌ನಿಂದ ಸಾಮಾಜಿಕ ಜಾಲ ತಾಣದಲ್ಲಿ ಯುವತಿಯ ನಕಲಿ ಪ್ರೊಫೈಲ್ ಸೃಷ್ಟಿಸಿ, ಅದರಲ್ಲಿ ಯುವತಿಯ ಫೋಟೋ ದೊಂದಿಗೆ ಅಶ್ಲೀಲ ವಿಡಿಯೋಗಳನ್ನು ಅಪ್ಲೋಡ್ ಮಾಡಿದ್ದಾನೆ. ನಂತರ ಫ್ರೆಂಡ್ ರಿಕ್ವೆಸ್ಟ್ ಕಳುಹಿಸಿ ಆಕೆಯ ಮಾನ ಕಳೆಯುವ ಸಂಚು ರೂಪಿಸಿದ್ದ ಎಂದು ಪೊಲೀಸ್ ಆಯುಕ್ತ ರಾಜದೀಪ್ ಸಿನ್ಹಾ ಝಾಲಾ ತಿಳಿಸಿದ್ದಾರೆ.
ಕೆಲ ದಿನಗಳ ನಂತರ ಯುವತಿಗೆ ಅಶ್ಲೀಲ ಬೇಡಿಕೆಗಳ ಕರೆಗಳು ಆರಂಭಿಸಿವೆ. ಕೆಲ ಸಂಬಂಧಿಕರು ಕೂಡಾ ಆಕೆಯ ಪ್ರೊಫೈಲ್ ನೋಡಿ ಮಾಹಿತಿ ನೀಡಿದ್ದಾರೆ. ನಂತರ ಯುವತಿಯ ಕುಟುಂಬದವರು ಪೊಲೀಸರನ್ನು ಸಂಪರ್ಕಿಸದೇ ಬೇರೆ ದಾರಿಯಿರಲಿಲ್ಲ ಎಂದು ಸೈಬರ್ ಪೊಲೀಸ್ ಅಧಿಕಾರಿ ಜೆ.ಎಸ್.ಗೆಡ್ಡಮ್ಮ ಮಾಹಿತಿ ನೀಡಿದ್ದಾರೆ.
ಸಾಮಾಜಿಕ ಅಂತರ್ಜಾಲ ತಾಣದ ಕಚೇರಿಯನ್ನು ಸಂಪರ್ಕಿಸಿದ ಸೈಬರ್ ವಿಭಾಗದ ಪೊಲೀಸರು, ನಕಲಿ ಪ್ರೊಫೈಲ್ ಐಪಿ ಅಡ್ರೆಸ್ ನೀಡುವಂತೆ ಕೋರಿದ್ದಾರೆ. ಐಪಿ ಅಡ್ರೆಸ್ ಪಡೆದಾಗ ಆ ಮೊಬೈಲ್ ನಿಲೇಶ್ ಪಟೇಲ್‌ರದ್ದಾಗಿರುತ್ತದೆ.
ಪೊಲೀಸರು ನಿಲೇಶ್ ಪಟೇಲ್‌ರನ್ನು ವಿಚಾರಣೆ ನಡೆಸಿದಾಗ ತಾನು ಮಾಡಿದ ತಪ್ಪು ಒಪ್ಪಿಕೊಂಡಿದ್ದಾನೆ. ಯುವತಿಗೆ ಕೆಟ್ಟಹೆಸರು ತರಲು ತಾನು ಹೀಗೆ ಮಾಡಿದ್ದಾಗಿ ತಿಳಿಸಿದ್ದಾನೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
