ಬೆಂಗಳೂರು: ಮುಂಬರುವ ರಾಜ್ಯ ಚುನಾವಣೆಗೆ ಮಂಡ್ಯ ಕ್ಷೇತ್ರದ ಟಿಕೆಟ್ ಗಾಗಿ ಭಾರೀ ಪೈಪೋಟಿ ನಡೆದಿದೆ. ಕಾಂಗ್ರೆಸ್ ನಿಂದ ನಟಿ ರಮ್ಯಾ, ಅಂಬರೀಷ್ ನಡುವೆ ಪೈಪೋಟಿಯಿದ್ದರೆ, ಅವರ ಜತೆಗೆ ಇದೀಗ ರಚಿತಾ ರಾಮ್ ಕೂಡಾ ಸೇರ್ಪಡೆಯಾಗುತ್ತಿದ್ದಾರೆ ಎನ್ನಲಾಗಿದೆ.
ಮೂಲಗಳ ಪ್ರಕಾರ ನಟಿ ರಚಿತಾ ರಾಮ್ ಜೆಡಿಎಸ್ ಪಕ್ಷಕ್ಕೆ ಸೇರ್ಪಡೆಯಾಗುತ್ತಾರೆ ಎಂಬ ಸುದ್ದಿ ಹಬ್ಬಿದೆ. ಒಕ್ಕಲಿಗ ಸಮುದಾಯಕ್ಕೆ ಸೇರಿರುವ ರಚಿತಾ ಜೆಡಿಎಸ್ ನಿಂದ ಮಂಡ್ಯ ಟಿಕೆಟ್ ಪಡೆಯುತ್ತಾರೆ ಎಂಬ ಸುದ್ದಿ ಬಂದಿದೆ.
ಇತ್ತ ಕಾಂಗ್ರೆಸ್ ನಲ್ಲೂ ನಟಿ ರಮ್ಯಾಗೆ ಈ ಬಾರಿ ಮಂಡ್ಯ ಟಿಕೆಟ್ ನೀಡಲಾಗುತ್ತದೆ ಎಂಬ ಸುದ್ದಿ ಕೇಳಿಬರುತ್ತಿವೆ. ಒಂದು ವೇಳೆ ಹಾಗಾದರೆ ಈ ಬಾರಿ ಮಂಡ್ಯದಲ್ಲಿ ಬುಲ್ ಬುಲ್ ಹುಡುಗಿ ರಚಿತಾ ಮತ್ತು ಊರಿಗೊಬ್ಳೇ ಪದ್ಮಾವತಿ ರಮ್ಯಾ ನಡುವೆ ಕಿತ್ತಾಟ ನಡೆಯಲಿದೆ. ಹೀರೋಯಿನ್ ಗಳ ಕಾದಾಟದಲ್ಲಿ ಮಂಡ್ಯ ಕಲರ್ ಫುಲ್ ಆಗುತ್ತಾ? ಕಾದು ನೋಡಬೇಕು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ