ವರ್ಷಗಳು ಕಳೆದರೂ ಉದ್ಘಾಟನೆಗೊಳ್ಳದ ಸಾರ್ವಜನಿಕ ಶೌಚಾಲಯ

ಮಡಿಕೇರಿ ನಗರದ ಪತ್ರಿಕಾ ಭವನದ  ಪಕ್ಕದಲ್ಲಿ ನಗರಸಭೆಯ ವತಿಯಿಂದ  ಸಾರ್ವಜನಿಕ ಶೌಚಾಲಯವನ್ನು ನಿರ್ಮಿಸಿ ಮೂರು ನಾಲ್ಕು ವರ್ಷ ಕಳೆದರೂ  ಇದುವರೆಗೆ ಉದ್ಘಾಟನೆಯಾಗದೆ ಹಾಗೆ ಇದೆ. ಈ ಶೌಚಾಲಯವೂ ಉದ್ಘಾಟನೆಗೆ ಯಾರಿಗಾಗಿ  ಕಾದಿರುವುದೋ...? ಇಲ್ಲ ಇದೇ ರೀತಿ  ಬೀಗ ಜಡಿದುಕೊಂಡು  ಯಥಾಪ್ರಕಾರ  ಮುಂದುವರೆಯುವುದೇ...? ಇದಕ್ಕೆ ಸಂಬಂಧಪಟ್ಟ ನಗರಸಭೆ  ಯಾಕೆ ಜಾಣ ಮೌನವನ್ನು  ಪ್ರದರ್ಶನ ಮಾಡುತ್ತಿದೆ ಆದಷ್ಟು ಬೇಗ ನಗರಸಭೆ  ಅಧಿಕಾರಿಗಳು ಹಾಗೂ ನಗರಸಭೆಯ ಜನಪ್ರತಿನಿಧಿಗಳು  ಈ ಸಾರ್ವಜನಿಕ ಶೌಚಾಲಯವನ್ನು   ಸಾರ್ವಜನಿಕರ ಉಪಯೋಗಕ್ಕೆ ಅನುವು  ಮಾಡಿಕೊಡುವಂತೆ    ಕರ್ನಾಟಕ ರಕ್ಷಣಾವೇದಿಕೆ  ಸಾರ್ವಜನಿಕರ ಪರವಾಗಿ  ಒತ್ತಾಯ ಮಾಡುತ್ತದೆ.