ಬೆಂಗಳೂರು: ನಟ ಪ್ರಕಾಶ್ ರೈ ಇತ್ತೀಚೆಗೆ ಬಿಜೆಪಿ ವಿರುದ್ಧ ಬಹಿರಂಗವಾಗಿಯೇ ಕಿಡಿ ಕಾರುತ್ತಿರುವುದು ಎಲ್ಲರಿಗೂ ಗೊತ್ತಿರುವ ವಿಚಾರವೇ. ಇದೀಗ ಅಮಿತ್ ಶಾ ಮಾಡಿದ ಪ್ರಮಾದಕ್ಕೆ ಟ್ವಿಟರ್ ನಲ್ಲೇ ಜಾಡಿಸಿದ್ದಾರೆ ಪ್ರಕಾಶ್ ರೈ.
ಯಡಿಯೂರಪ್ಪ ಭ್ರಷ್ಟ ರಾಜಕಾರಣಿ ಎಂದು ಬಾಯ್ತಪ್ಪಿ ಹೇಳಿದ್ದ ಅಮಿತ್ ಶಾಗೆ ವ್ಯಂಗ್ಯವಾಡಿರುವ ಪ್ರಕಾಶ್ ರೈ ‘ಕೊನೆಗೂ ಕರ್ನಾಟಕದ ಚುನಾವಣೆ ದಿನಾಂಕ ಘೋಷಣೆಯಾದ ದಿನ ಸತ್ಯ ಹೊರಬಂತು. ಇದುವೇ ನಿಮ್ಮ ಮನ್ ಕೀ ಬಾತ್? ಸರ್?’ ಎಂದು ಪ್ರಕಾಶ್ ರೈ ಟ್ವೀಟ್ ಮಾಡಿದ್ದಾರೆ. ಜತೆಗೆ ಅಮಿತ್ ಭಾಷಣದ ವಿಡಿಯೋವನ್ನೂ ಲಗತ್ತಿಸಿದ್ದಾರೆ.
ಅಮಿತ್ ಶಾ ಪ್ರಮಾದದ ಹೇಳಿಕೆಗೆ ಟ್ವಿಟರ್ ಮತ್ತಿತರ ಸಾಮಾಜಿಕ ಜಾಲತಾಣದಲ್ಲಿ ವಿಪಕ್ಷಗಳು ಲೇವಡಿ ಮಾಡುತ್ತಿದ್ದಾರೆ. ಅಂತೂ ಅಮಿತ್ ಶಾ ಮಾಡಿದ ತಪ್ಪೊಂದು ಬಿಜೆಪಿಗೆ ಭಾರೀ ಹಾನಿಯುಂಟು ಮಾಡುತ್ತಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ