ಫ್ರಾನ್ಸ್​​ನಲ್ಲಿ ಮೊದಲ ಮಂಕಿಪಾಕ್ಸ್ ಕೇಸ್ ಪತ್ತೆ

ಅತ್ಯಂತ ಅಪರೂಪದ ಸೋಂಕಾದ ಮಂಕಿ ಪಾಕ್ಸ್ ವೈರಸ್ ಪ್ರಕರಣಗಳು ಯುರೋಪ್ ಮತ್ತು ಅಮೆರಿಕದಲ್ಲಿ ದೃಢಪಟ್ಟಿವೆ.. ಈ ಕುರಿತು ಚರ್ಚಿಸಲು ವಿಶ್ವ ಆರೋಗ್ಯ ಸಂಸ್ಥೆ ತುರ್ತು ಸಭೆ ಕರೆದಿದೆ. ಇದರ ನಡುವೆ ಫ್ರಾನ್ಸ್

ನಲ್ಲಿ ಮೊದಲ ಮಂಕಿಪಾಕ್ಸ್ ಪತ್ತೆಯಾಗಿದೆ. ಜರ್ಮನಿ ಮತ್ತು ಬೆಲ್ಜಿಯಂ ತಮ್ಮ ಮೊದಲ ಪ್ರಕರಣಗಳನ್ನು ದೃಢಪಡಿಸಿದ ಕೆಲವೇ ಗಂಟೆಗಳ ನಂತರ ಫ್ರಾನ್ಸ್​​ನಲ್ಲೂ ಮಂಕಿಪಾಕ್ಸ್ ಪತ್ತೆಯಾಗಿದೆ. ಯುರೋಪ್ನಲ್ಲಿ ಮಂಕಿಪಾಕ್ಸ್ ಕೇಸ್​​ಗಳು ಈಗ 100ರ ಗಡಿ ದಾಟಿದೆ. ನಿನ್ನೆ ಫ್ರಾನ್ಸ್ ಮತ್ತು ಜರ್ಮನಿ ತಮ್ಮ ಮೊದಲ ಮಂಕಿಪಾಕ್ಸ್ ಪ್ರಕರಣಗಳನ್ನು ವರದಿ ಮಾಡಿದ್ದು, ಆಫ್ರಿಕಾದ ಕೆಲವು ಭಾಗಗಳಲ್ಲಿ ಸ್ಥಳೀಯವಾಗಿ ಹರಡಿರುವ ರೋಗವನ್ನು ಪತ್ತೆ ಹಚ್ಚುವಲ್ಲಿ ಹಲವಾರು ಯುರೋಪಿಯನ್ ಮತ್ತು ಉತ್ತರ ಅಮೆರಿಕದ ರಾಷ್ಟ್ರಗಳೊಂದಿಗೆ ಸೇರಿಕೊಂಡಿವೆ.