ಲಾಕ್ ಡೌನ್ ಹಿನ್ನಲೆ ಅಗತ್ಯ ಸೇವೆಗಳಿಗಾಗಿ ಜನರಿಗೆ ಪಾಸ್ ನೀಡಲಾಗುತ್ತಿತ್ತು. ಜಿಲ್ಲಾಧಿಕಾರಿ ಮೇಯರ್ ನೀಡಿದ್ದ ಪಾಸ್ ನ್ನು ಅಸಿಂ‍ಧು ಎಂದಿದ್ದ ಕಾರಣ ಡಿಸಿಗೆ ಮೇಯರ್ ಬಿ.ಜೆಅಜಯ್ ಕುಮಾರ್ ತಿರುಗೇಟು ನೀಡಿದ್ದಾರೆ.
ನಾನು ಪುಂಡ ಪೋಕರಿಗಳಿಗೆ ಪಾಸ್ ವಿತರಣೆ ಮಾಡಿಲ್ಲ. ಕಳೆದ 14 ದಿನಗಳಿಂದ ಪಾಸ್ ಗಾಗಿ ಪಾಲಿಕೆ ಪರದಾಡಿದೆ. ಆದರೆ ದಾವಣಗೆರೆ ಜಿಲ್ಲಾಡಳಿತ ಪಾಸ್ ಕೊಡಲೇ ಇಲ್ಲ. ವ್ಯಾಪಾರಿಗಳ ಕಷ್ಟ ನೋಡಲು ಆಗದೆ ಪಾಸ್ ನೀಡಿದ್ದೇನೆ. ನಾನು ಯಾವುದೇ ಪಾಸ್ ಗಳನ್ನು ಮಾರಾಟ ಮಾಡಿಲ್ಲ. ಮೇಯರ್ ಸ್ಥಾನದಲ್ಲಿರುವ ನನಗೆ ಕನಿಷ್ಟ ಜ್ಞಾನ ಇದೆ. ನನ್ನ ಪಾಸ್ ಗಳನ್ನು ಜಿಲ್ಲಾಡಳಿತ ಅಸಿಂಧುಗೊಳಿಸುವುದಾದ್ರೆ ಅಗತ್ಯ ಪಾಸ್ ವಿತರಣೆ ಮಾಡುವಂತೆ ಮೇಯರ್ ಆಗ್ರಹಿಸಿದ್ದಾರೆ.
