ಕನ್ನಡ ಹಾಡು ಹಾಕಲು ಹೇಳಿದ್ದಕ್ಕೆ ಪಬ್ ನಲ್ಲಿ ಹಲ್ಲೆ ಮಾಡಿದ ಡಿಜೆ

ಬೆಂಗಳೂರು: ಪಬ್ ನಲ್ಲಿ ಬೇರೆ ಭಾಷೆಯ ಹಾಡು ಹಾಕಿದ್ದನ್ನು ಆಕ್ಷೇಪಿಸಿದ್ದಕ್ಕೆ ಡಿಜೆ ಇಬ್ಬರ ಮೇಲೆ ಹಲ್ಲೆ ಮಾಡಿದ ಆರೋಪ ಕೇಳಿಬಂದಿದೆ.

ಕೋರಮಂಗಲದ ಪಬ್ ನಲ್ಲಿ ಬೇರೆ ಭಾಷೆಯ ಹಾಡು ಹಾಕಿದಾಗ ಕನ್ನಡ ಹಾಡುವಂತೆ ಡಿಜೆಗೆ ಸುಮಿತಾ ಮತ್ತು ಅವರ ಸಹೋದರ ನಂದಕಿಶೋರ್ ಕೇಳಿಕೊಂಡಿದ್ದಾರೆ. ಇದಕ್ಕೆ ಡಿಜೆ ಇಬ್ಬರ ಮೇಲೆ ಹಲ್ಲೆ ನಡೆಸಿದ್ದಲ್ಲದೆ, ಕನ್ನಡ ಭಾಷೆ ಬಗ್ಗೆಯೂ ಕೆಟ್ಟದಾಗಿ ಮಾತನಾಡಿದ್ದಾರೆ ಎಂಬ ಆರೋಪ ಮಾಡಲಾಗಿದೆ.

ಈ ಬಗ್ಗೆ ಕೋರಮಂಗಲ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ವಿಚಾರಣೆ ನಡೆಯುತ್ತಿದೆ. ರಾತ್ರಿ 9 ಗಂಟೆಯಿಂದ 12.30 ರವರೆಗೂ ಹಲವು ಬಾರಿ ಮನವಿ ಮಾಡಿದರೂ ಕನ್ನಡ ಹಾಡು ಹಾಕಲಿಲ್ಲ ಎಂದು ಸವಿತಾ ಮತ್ತು ಸಹೋದರರು ಆರೋಪಿಸಿದ್ದಾರೆ.