ಹೆಂಡತಿ ಬೇಡ, ಮಗು ಬೇಕು ಎಂದವನಿಗೆ ಕೋರ್ಟ್ ಛೀಮಾರಿ

ಬೆಂಗಳೂರು: ಹೆಂಡತಿಯೊಂದಿಗೆ ವಿಚ್ಛೇದನವಾದ ಬಳಿಕ ಮಗುವನ್ನು ತನ್ನ ಸುಪರ್ದಿಗೇ ಒಪ್ಪಿಸಬೇಕೆಂದು ದಾವೆ ಹೂಡಿದ್ದ ವ್ಯಕ್ತಿಗೆ ಕೋರ್ಟ್ ಛೀಮಾರಿ ಹಾಕಿದೆ.

ಜಿಕೆ ಮೊಹಮ್ಮದ್ ಎಂಬಾತ ಪತ್ನಿಯಿಂದ ವಿಚ್ಛೇದನ ಪಡೆದಿದ್ದ. ಈ ಬಗ್ಗೆ ವಿಚಾರಣೆ ನಡೆಸಿದ್ದ ಕೆಳಹಂತದ ಕೋರ್ಟ್ ಮಗನನ್ನು ತಾಯಿಯ ವಶಕ್ಕೆ ಒಪ್ಪಿಸಿತು. ತಿಂಗಳಲ್ಲಿ ಎರಡು ಬಾರಿ ಸೀಮಿತ ಅವಧಿಗೆ ಮಗನನ್ನು ನೋಡಲು ಅವಕಾಶ ನೀಡಿತ್ತು.

ಈ ತೀರ್ಪು ಪ್ರಶ್ನಿಸಿ ಪತಿ ಹೈಕೋರ್ಟ್ ಗೆ ಮೇಲ್ಮನವಿ ಸಲ್ಲಿಸಿದ್ದ. ಹೆಂಡತಿ ಬೇಡ ಮಗು ಮಾತ್ರ ಬೇಕು ಎಂದು ಅರ್ಜಿ ಸಲ್ಲಿಸಿದ ವ್ಯಕ್ತಿಗೆ ಛೀಮಾರಿ ಹಾಕಿದ ಕೋರ್ಟ್ ಪತ್ನಿಗೆ 50 ಸಾವಿರ ಪರಿಹಾರ ನೀಡುವಂತೆ ಆದೇಶಿಸಿದೆ.