ತಾಯಿ ಮೇಲಿನ ಕೋಪಕ್ಕೆ ದುಷ್ಕರ್ಮಿಯೊಬ್ಬ 6 ವರ್ಷದ ಮಗುವನ್ನ ಸಂಪ್`ಗೆ ತಳ್ಳಿ ಕೊಂದಿರುವ ಘಟನೆ ಬೆಂಗಳೂರಿನ ಬಿಳೇಕಹಳ್ಳಿ ನಡೆದಿದೆ.
ಮಹೇಶ್ ಮತ್ತು ಮೃತ ಬಾಲಕನ ತಾಯಿ ನಡುವೆ ಜಗಳ ನಡೆದಿದ್ದು, ಮಗುವಿನ ತಾಯಿ ಬೈದಿದ್ದರಂತೆ. ಹೀಗಾಗಿ, ಚಾಕೋಲೇಟ್ ಕೊಡುವುದಾಗಿ ಬಾಲಕನನ್ನ ಕರೆದೊಯ್ದ ಮಹೇಶ್ ಸಂಪ್`ಗೆ ತಳ್ಳಿ ಕೊಲೆ ಮಾಡಿದ್ದಾನೆ.
ಬೆಳಗ್ಗೆ ಮಗು ಕಾಣೆಯಾದ ಬಗ್ಗೆ ಪೋಷಕರು ಪೊಲೀಸರಿಗೆ ದೂರು ನೀಡಿದ್ದರು. ತನಿಖೆಗಿಳಿದಾಗ ಸ್ಥಳೀಯರು ಮಹೇಶ್ ಮಗುವನ್ನ ಕರೆದುಕೊಂಡು ಹೋಗುತ್ತಿದ್ದ ಬಗ್ಗೆ ಮಾಹಿತಿ ನೀಡಿದ್ದಾರೆ. ಮಹೇಶನನ್ನ ವಿಚಾರಣೆ ನಡೆಸಿದಾಗ, ಮಗುವನ್ನ ಬಚ್ಚಿಟ್ಟಿರುವುದಾಗಿ ಹೇಳಿದ್ದಾನೆ. ಸ್ಥಳಕ್ಕೆ ಕರೆದೊಯ್ದು ಪರಿಶೀಲನೆ ನಡೆಸಿದಾಗ ಸಂಪ್`ನಲ್ಲಿ ಮಗುವಿನ ಮೃತದೇಹ ಸಿಕ್ಕಿದೆ. ಬಂಧಿತ ಮಹೇಶ್ ವಿರುದ್ಧ ಹಲವು ಕಳ್ಳತನ ಪ್ರಕರಣಗಳಿರುವುದು ಬೆಳಕಿಗೆ ಬಂದಿದೆ. ಮಗುವನ್ನ ಕಳೆದುಕೊಂಡ ಹೆತ್ತವರ ಆಕ್ರಂದನ ಮುಗಿಲು ಮುಟ್ಟಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
