ಲವ್ ಮಾಡಿ ಹುಡುಗನಿಗೆ ಕೈ ಕೊಟ್ಟು ಬೇರೊಬ್ಬನೊಂದಿಗೆ ಮದುವೆಯಾಗಲು ಹೊರಟಿದ್ದ ವಧುವನ್ನು ಮಾಜಿ ಲವರ್ ಕೊಲೆ ಮಾಡಿದ್ದಾನೆ.
ಮದುವೆ ಇನ್ನೇನು ನಡೆಯಬೇಕು ಎನ್ನುವಷ್ಟರಲ್ಲಿ ಬ್ಯೂಟಿಪಾರ್ಲರ್ ನಲ್ಲಿದ್ದ ವಧುವನ್ನು ಆಕೆಯ ಮಾಜಿ ಲವರ್ ಕೊಲೆ ಮಾಡಿ ಪರಾರಿಯಾಗಿದ್ದಾನೆ.
ಮಧ್ಯಪ್ರದೇಶದ ರತ್ನಂ ಜಿಲ್ಲಾ ಕೇಂದ್ರ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ವಧು ಸೋನು ಕೊಲೆಯಾಗಿದ್ದಾಳೆ. ಈಕೆಯ ಮಾಜಿ ಲವರ್ ರಾಮ್ ಯಾದವ್ ಕೊಲೆ ಮಾಡಿರುವ ಶಂಕೆಯನ್ನು ಪೊಲೀಸರು ವ್ಯಕ್ತಪಡಿದ್ದಾರೆ.
ಕೊಲೆಗಾರನಿಗೆ ಸಹಾಯ ಮಾಡಿದ ಆರೋಪಿ ರಾಮ್ ಯಾದವ್ ನ ಗೆಳೆಯ ಪವನ್ ಎಂಬಾತನನ್ನು ಪೊಲೀಸರು ಬಂಧನ ಮಾಡಿದ್ದು, ಪ್ರಮುಖ ಆರೋಪಿ ಪತ್ತೆಗೆ ಬಲೆ ಬೀಸಿದ್ದಾರೆ.
