ಚೆನ್ನೈ : ಯೋಗಿ ಬಾಬು ಪ್ರಮುಖ ಹಾಸ್ಯ ನಟರಲ್ಲಿ ಒಬ್ಬರು. ಆರಂಭದಲ್ಲಿ ಸಿನಿಮಾಗಳಲ್ಲಿ ಸಣ್ಣ ಪಾತ್ರ ಮಾಡುತ್ತಿದ್ದ ಅವರು ನಂತರ ನಾಯಕನಾಗಿ ನಟಿಸುವ ಹಂತಕ್ಕೆ ಬಂದಿದ್ದಾರೆ. ಅಂತವರು ತಮ್ಮ ಬಗ್ಗೆ ಆಶ್ಚರ್ಯಕಾರಿ ವಿಚಾರವೊಂದನ್ನು ತಿಳಿಸಿದ್ದಾರೆ.
ಒಂದು ಚಿತ್ರಕ್ಕೆ ನಟ ನಟಿಯರು ನಿರ್ಮಾಪಕರಿಂದ ಲಕ್ಷಗಟ್ಟಲೆ, ಕೋಟಿಗಟ್ಟಲೆ ಹಣ ಪಡೆಯುತ್ತಾರೆ. ಅಂತದರಲ್ಲಿ ಹಾಸ್ಯ ನಟ ಯೋಗಿ ಬಾಬು ಅವರು ಕೆಲವು ಚಿತ್ರಗಳಲ್ಲಿ ಹಣ ಪಡೆಯದೇ ನಟಿಸಿದ್ದಾರಂತೆ. ಅಲ್ಲದೇ ಯಾವತ್ತೂ ದೊಡ್ಡ ಸಂಭಾವನೆಯನ್ನು ಪಡೆದುಕೊಂಡಿಲ್ಲವಂತೆ. ಹಾಗೇ ಕೆಲವೊಮ್ಮೆ ನಿರ್ಮಾಪಕರು ಬಂದು ಕಥೆ ಹೇಳಿ ಹಣವಿಲ್ಲ ಎಂದಾಗ ಸಿನಿಮಾ ಬಿಡುಗಡೆಯಾಗಿ ಹಣ ಗಳಿಸಿದ ಬಳಿಕ ತಮ್ಮ ಸಂಭಾವನೆಯನ್ನು ಪಡೆಯುತ್ತಾರಂತೆ.
ಈ ಬಗ್ಗೆ ಅವರು ‘ಪೇಮಾಮಾ’ ಚಿತ್ರದ ಮ್ಯೂಸಿಕ್ ಲಾಂಚ್ ವೇಳೆ ಮಾತನಾಡುವಾಗ ತಿಳಿಸಿದ್ದಾರೆ. ಇವರ ಇಂತಹ ವಿಶಾಲ ಮನಸ್ಸಿಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.
