ಹೈದರಾಬಾದ್ : ದಕ್ಷಿಣ ಭಾರತದ ಖ್ಯಾತ ನಟಿ ಸಮಂತಾ ಅವರು ಗುನಶೇಖರ್ ನಿರ್ದೇಶನದ ಬಹು ನಿರೀಕ್ಷಿತ ಚಿತ್ರ ‘ಶಕುಂತಲಂ’ ಚಿತ್ರದಲ್ಲಿ ನಟಿಸುತ್ತಿದ್ದು, ಇದರ ಚಿತ್ರೀಕರಣ ಪ್ರಾರಂಭವಾಗಿದೆ. ಈ ಚಿತ್ರದಲ್ಲಿ ಖ್ಯಾತ ನಟರೊಬ್ಬರು ದುರ್ವಾಸ ಮಹರ್ಷಿಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ ಎಂಬುದಾಗಿ ತಿಳಿದುಬಂದಿದೆ.
ಗುಣಶೇಖರ್ ನಿರ್ದೇಶನದ ‘ಶಕುಂತಲ’ ಸಂಸ್ಕೃತ ನಾಟಕ ಅಭಿಜ್ಞಾನ ಶಕುಂತಲಂ ಅನ್ನು ಆಧರಿಸಿದೆ. ಶಕುಂತಲಂ ರಾಜ ದುಶ್ಯಂತ ಮತ್ತು ಅಪ್ಸರೆ ಮೇನಕಾ –ವಿಶ್ವಾಮಿತ್ರ ಮಹರ್ಷಿಯ ಮಗಳಾದ ಶಕುಂತಲಾ ಅವರ ಪ್ರೇಮಕಥೆಯತ್ತ ಗಮನ ಹರಿಸಲಿದೆ ಎನ್ನಲಾಗಿದೆ.
ಈ ಶಕುಂತಲಂನಲ್ಲಿ ಖ್ಯಾತ ನಟ ಮೋಹನ್ ಬಾಬು ಅವರು ದುರ್ವಾಸ ಮಹರ್ಷಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಮೂಲಗಳಿಂದ ತಿಳಿದುಬಂದಿದೆ. ಆದರೆ ಇನ್ನುಳಿದ ಪಾತ್ರವರ್ಗಗಳ ಬಗ್ಗೆ ಅಧಿಕೃತ ಘೋಷಣೆ ಆಗಲಿಲ್ಲ.
