ಹೈದರಾಬಾದ್ : ‘ಇ ನಾಗರನಿಕಿ ಎಮೈಂಡಿ’ ಟಾಲಿವುಡ್ ನ ಖ್ಯಾತ ಚಿತ್ರಗಳಲ್ಲಿ ಒಂದಾಗಿದೆ. ಈ ಚಿತ್ರವು ಹಾಸ್ಯ ಮನೋರಂಜನೆಯ ಚಿತ್ರವಾಗಿದ್ದು, ಇದೀಗ ಈ ಚಿತ್ರದ ಸೀಕ್ವೆಲ್ ನಿರ್ಮಿಸುವ ಸುದ್ದಿ ಹರಿದಾಡುತ್ತಿದೆ.
‘ಇ ನಾಗರನಿಕಿ ಎಮೈಂಡಿ’ ಈ ಚಿತ್ರವನ್ನು ತರುಣ್ ಭಾಸ್ಕರ್ ನಿರ್ದೇಶಿಸಿದ್ದು, ವಿಶ‍್ವಕ್ ಸೇನ್, ಸುಶಾಂತ್ ರೆಡ್ಡಿ, ಅಭಿನವ್ ಗೋಮಾಟಮ್, ಅನಿಷಾ ಆಂಬ್ರೊಸ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಡಿ.ಸುರೇಶ್ ಬಾಬು ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಈ ಚಿತ್ರದ ಸೀಕ್ವೆಲ್ ನಿರ್ಮಿಸುವುದಾಗಿ ಬಹಳ ಹಿಂದೆಯೇ ಘೋಷಿಸಲಾಗಿತ್ತು.
ಆದರೆ ಇಲ್ಲಿಯವರೆಗೆ ಈ ಬಗ್ಗೆ ಯಾವುದೇ ವಿಚಾರ ತಿಳಿಯದ ಹಿನ್ನಲೆಯಲ್ಲಿ ಇತ್ತೀಚೆಗೆ ಅಭಿಮಾನಿಯೊಬ್ಬರು ‘ಇ ನಾಗರನಿಕಿ ಎಮೈಂಡಿ’ ಸೀಕ್ವೆಲ್ ಬಗ್ಗೆ ನಟ ಅಭಿನವ್ ಗೋಮಾಟಮ್ ಬಳಿ ಕೇಳಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ನಟ ಈ ವರ್ಷದ ಕೊನೆಯಲ್ಲಿ ಯೋಜನೆ ಪ್ರಾರಂಭವಾಗಲಿದೆ ಮುಂದಿನ ವರ್ಷ ಚಿತ್ರ ಬಿಡುಗಡೆಯಾಗಲಿದೆ ಎಂದು ಹೇಳಿದ್ದಾರೆ.
