ವಿಜಯಲಕ್ಷ್ಮಿ ದರ್ಶನ್‌ ಹುಟ್ಟುಹಬ್ಬ: ಸ್ಟ್ರಾಂಗ್‌ ಲೇಡಿ ಎಂದು ಶುಭಕೋರಿದ ನಟಿ ಕಾವ್ಯ ಗೌಡ

Photo Courtesy X

ಬೆಂಗಳೂರು: ವಿಜಯಲಕ್ಷ್ಮಿ ದರ್ಶನ್‌ ಹುಟ್ಟುಹಬ್ಬ ಹಿನ್ನೆಲೆ ಅವರಿಗೆ ಸ್ನೇಹಿತರು ಶುಭಕೋರಿದ್ದಾರೆ. ಸ್ನೇಹಿತೆಯಾಗಿರುವ ನಟಿ ಕಾವ್ಯಗೌಡ ಅವರು ತನ್ನ ಅಕ್ಕನ ಸ್ಥಾನದಲ್ಲಿರುವ ವಿಜಯಲಕ್ಷ್ಮಿಗೆ ಪ್ರೀತಿಯಿಂದ ಶುಭ ಹಾರೈಸಿದ್ದಾರೆ.  

ಇನ್‌ಸ್ಟಾಗ್ರಾಂನಲ್ಲಿ ಸ್ಟೋರಿ ಹಂಚಿಕೊಂಡಿರುವ ಕಾವ್ಯ ಅವರು ತನ್ನ ಮಗಳ ಜತೆ ವಿಜಯಲಕ್ಷ್ಮಿ ಸಮಯ ಕಳೆಯುತ್ತಿರುವುದನ್ನು ಹಾಗೂ ತನ್ನೊಂದಿಗಿರುವ ಫೋಟೋವನ್ನು ಹಂಚಿಕೊಂಡಿದ್ದಾರೆ.

ಹ್ಯಾಪಿ ಬರ್ತಡೇ ನನ್ನ ಬ್ಯುಟಿಫುಲ್ ಅಕ್ಕ. ಯಾವಾಗಲೂ ನೆಮ್ಮದಿ ಹಾಗೂ ಆರೋಗ್ಯದಿಂದ ಖುಷಿಯಾಗಿರಿ.ಯಾವಾಗಲೂ ಪ್ರಜ್ವಲಿಸುತ್ತಿರಿ. ಸ್ಟ್ರಾಂಗ್‌ ಲೇಡಿ. ಲವ್‌ ಯೂ ಅಕ್ಕ ಎಂದು ಕಾವ್ಯಾ ಗೌಡ ಅವರು ಬರೆದುಕೊಂಡಿದ್ದಾರೆ.

ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ ಮಧ್ಯಂತರ ಜಾಮೀನು ಮುಖಾಂತರ ಹೊರ ಬಂದಿರುವ ನಟ ದರ್ಶನ್‌ರನ್ನು ಹೊರತರಲು ಕಾನೂನು ಹೋರಾಟದ ಜತೆಗೆ ದೇವರ ಮೊರೆಹೋಗುತ್ತಿದ್ದ ವಿಜಯಲಕ್ಷ್ಮಿ ನಡೆಗೆ ದರ್ಶನ್ ಫ್ಯಾನ್‌, ಜನ ಸಾಮಾನ್ಯರು ಭಾರೀ ಮೆಚ್ಚುಗೆ ವ್ಯಕ್ತಪಡಿಸಿದ್ದರು.

ಭಾರತ ಸಂಸ್ಕೃತಿಯ ಹೆಣ್ಣು ಮಗಳೆಂದರೆ ಅದು ವಿಜಯಲಕ್ಷ್ಮಿ. ಇನ್ನು ಅತ್ತಿಗೆ ದೇವತೆಯಂತವಳು ಎಂದು ದರ್ಶನ್ ಫ್ಯಾನ್ಸ್‌ ಸಾಮಾಜಿಕ ಜಾಲತಾಣದಲ್ಲಿ ಕೊಂಡಾಡುತ್ತಿದ್ದಾರೆ.

ದರ್ಶನ್ ಕೊಲೆ ಪ್ರಕರಣದಲ್ಲಿ ಜೈಲು ಸೇರುತ್ತಿದ್ದ ಹಾಗೇ ವಿಜಯಲಕ್ಷ್ಮಿ ಪ್ರತಿ ಸೋಮವಾರ ಪತಿಗೆ ಬೇಕಾದ ವಸ್ತುಗಳೊಂದಿಗೆ ಜೈಲಿಗೇ ಭೇಟಿ ನೀಡಿ, ದರ್ಶನ್‌ಗೆ ದೈರ್ಯ ತುಂಬುತ್ತಿದ್ದರು. ಅದಲ್ಲದೆ ಈ ಪ್ರಕರಣದಿಂದ ದರ್ಶನ್‌ರನ್ನು ಹೊರ ತರಲು ಸಾಕಷ್ಟು ಪ್ರಯತ್ನಪಟ್ಟಿದ್ದಾರೆ. ದರ್ಶನ್‌ಗೆ ಮಧ್ಯಂತರ ಜಾಮೀನಿನಲ್ಲಿ ಬಿಡುಗಡೆ ಪಡೆಯುತ್ತಿದ್ದ ಹಾಗೇ ಸ್ವತಃ ತಾನೇ ಕರೆದುಕೊಂಡು ಬರಲು ಹೋಗಿದ್ದರು. ಇದೀಗ ಬೆನ್ನು ನೋವು ಸಂಬಂಧ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ದರ್ಶನ್‌ರನ್ನು ನೋಡಿಕೊಳ್ಳುತ್ತಿದ್ದಾರೆ.