ಹೈದರಾಬಾದ್: ಬಾಹುಬಲಿಯಂತಹ ಮೆಗಾ ಹಿಟ್ ಸಿನಿಮಾ ನೀಡಿದ ನಿರ್ದೇಶಕ ರಾಜಮೌಳಿ ಈಗ ಯಾವ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ ಅನ್ನೋದನ್ನ ಅವರೆ ರಿವೀಲ್ ಮಾಡಿದ್ದಾರೆ.
ಬಾಹುಬಲಿ, ಬಾಹುಬಲಿ 2 ಸಿನಿಮಾದ ಯಶಸ್ಸಿನ ಬಳಿಕ ಎರಡು ಪ್ರಾಜೆಕ್ಟ್ ರೆಡಿ ಇಟ್ಟುಕೊಂಡಿದ್ದಾರಂತೆ. ಸೋಶಿಯಲ್ ಡ್ರಾಮಾ ಕುರಿತ ಕತೆ ಹೊಂದಿರುವ ಚಿತ್ರವನ್ನು `ದೇಶಮುದುರು’, `ಕ್ಯಾಮಾರಮೆನ್ ಗಂಗಾತೋ ರಾಮ್‍ಬಾಬು’ ನಂತಹ ಹಿಟ್ ಮೂವಿ ನಿರ್ಮಿಸಿದ್ದ ಟಾಲಿವುಡ್ ನಿರ್ಮಾಪಕ ದಾನಯ್ಯ ನಿರ್ಮಾಣ ಮಾಡುತ್ತಿದ್ದಾರಂತೆ.
ಇದಾದ ಬಳಿಕ ಪ್ರಿನ್ಸ್ ಮಹೇಶ್ ಬಾಬು ಜತೆ ಮತ್ತೊಂದು ಪ್ರಾಜೆಕ್ಟ್ ಮಾಡೋದು ಕನ್ಫರ್ಮ್ ಎಂದಿದ್ದಾರೆ ಮೌಳಿ. ಈ ಚಿತ್ರವನ್ನ ಕೆ.ಎಲ್.ನಾರಾಯಣ ನಿರ್ಮಾಣ ಮಾಡಲಿದ್ದಾರೆ. ಈ ಮೂಲಕ ಪ್ರೇಕ್ಷಕರ ಕುತೂಹಲಕ್ಕೆ ತೆರೆ ಎಳೆದಿರುವ ರಾಜಮೌಳಿ ತಮ್ಮ ಮುಂದಿನ ಎರಡು ಸಿನಿಮಾಗಳ ಕುರಿತು ಸಿನಿ ವೆಬ್‍ಸೈಟ್ ವೊಂದಕ್ಕೆ ನೀಡಿರುವ ಸಂದರ್ಶನದಲ್ಲಿ ತಿಳಿಸಿದ್ದಾರೆ.
