ಡ್ರೈವರ್ ಮಾಡಿದ ತಪ್ಪಿಗೆ ಕಾರ್ಮಿಕನ ಮನೆಗೆ ಕರೆಸಿ ಕ್ಷಮೆ ಕೇಳಿದ ರಚಿತಾ ರಾಂ

ಬೆಂಗಳೂರು: ನಟಿ ರಚಿತಾ ರಾಂ ಸ್ವಾತಂತ್ರ್ಯೋವ ದಿನವವನ್ನು ಇಂದು ವಿಶಿಷ್ಟವಾಗಿ ಆಚರಿಸಿಕೊಂಡಿದ್ದಾರೆ. ತಮ್ಮಿಂದಾದ ತಪ್ಪಿಗೆ ಕ್ಷಮೆ ಕೇಳಿದ್ದಾರೆ.

ನಿನ್ನೆ ಲಾಲ್ ಭಾಗ್ ಫಲ, ಪುಷ್ಪ ಪ್ರದರ್ಶನಕ್ಕೆ ರಚಿತಾ ರಾಂ ಅತಿಥಿಯಾಗಿ ಹೋಗಿದ್ದರು. ಈ ವೇಳೆ ಲಾಲ್ ಭಾಗ್ ನಲ್ಲಿ ಅವರ ಕಾರು ಡ್ರೈವರ್ ತಪ್ಪಿನಿಂದ ಕಾರ್ಮಿಕರೊಬ್ಬರಿಗೆ ಡಿಕ್ಕಿ ಹೊಡೆದು ಮುಂದೆ ಸಾಗಿತ್ತು. ಆಗ ರಚಿತಾ ಗಮನಕ್ಕೆ ಇದು ಬಂದಿರಲಿಲ್ಲ. ಆದರೆ ಈ ವಿಚಾರ ಮಾಧ‍್ಯಮಗಳಲ್ಲಿ ಸುದ್ದಿಯಾಗಿತ್ತು. ರಚಿತಾ ಕಾರ್ಮಿಕನ ಕಡೆ ತಿರುಗಿಯೂ ನೋಡದೇ ಹೋಗಿದ್ದಾರೆ ಎನ್ನಲಾಗಿತ್ತು.

ಆದರೆ ಇಂದು ತಮ್ಮ ತಪ್ಪನ್ನು ರಚಿತಾ ತಾವೇ ತಿದ್ದಿಕೊಂಡಿದ್ದಾರೆ. ತಮ್ಮ ಡ್ರೈವರ್ ನ ಅಚಾತುರ್ಯದಿಂದ ನಡೆದ ತಪ್ಪಿಗೆ ನಿನ್ನೆ ಢಿಕ್ಕಿ ಹೊಡೆದಿದ್ದ ಕಾರ್ಮಿಕ ರಂಗಪ್ಪನನ್ನು ಮನೆಗೆ ಕರೆಸಿ ಪಕ್ಕದಲ್ಲೇ ಕೂರಿಸಿಕೊಂಡು ನಿನ್ನೆ ನಡೆದ ಘಟನೆಗೆ ಮನಸಾರೆ ಕ್ಷಮೆ ಯಾಚಿಸಿ ಸ್ವಾತಂತ್ರ್ಯ ದಿನಕ್ಕೆ ಶುಭ ಹಾರೈಸಿದ್ದಾರೆ. ರಚಿತಾ ಕೆಲಸಕ್ಕೆ ಎಲ್ಲರಿಂದ ಮೆಚ್ಚುಗೆ ವ್ಯಕ್ತವಾಗಿದೆ.