ಬೆಂಗಳೂರು: ಲವ್ ಮಾಕ್ಟೇಲ್ ಮತ್ತು ದಿಯಾ ಸಿನಿಮಾ ಒಂದೇ ಸಮಯದಲ್ಲಿ ಬಿಡುಗಡೆಯಾಗಿ ಹೊಸ ಭರವಸೆ ಮೂಡಿಸಿದ ಸ್ಯಾಂಡಲ್ ವುಡ್ ಸಿನಿಮಾಗಳು. ಈಗ ಆ ಎರಡು ಸಿನಿಮಾಗಳ ನಾಯಕ, ನಾಯಕಿ ಹೊಸ ಸಿನಿಮಾದಲ್ಲಿ ಜತೆಯಾಗಿ ಅಭಿನಯಿಸಲಿದ್ದಾರೆ.
ಲವ್ ಮಾಕ್ಟೇಲ್ ನಾಯಕಿ ನಿಧಿಮಾ ಅಲಿಯಾಸ್ ಮಿಲನಾ ನಾಗರಾಜ್ ಹಾಗೂ ದಿಯಾ ನಾಯಕ ಆದಿ ಅಲಿಯಾಸ್ ಪೃಥ್ವಿ ಅಂಬರ್ ಹೊಸ ಸಿನಿಮಾವೊಂದರಲ್ಲಿ ಜೋಡಿಯಾಗಿದ್ದಾರೆ. ಈ ಸಿನಿಮಾಗೆ For Regn (ಫಾರ್ ರಿಜಿಸ್ಟ್ರೇಷನ್) ಎಂದು ಹೆಸರಿಡಲಾಗಿದೆ. ಈ ಸಿನಿಮಾವನ್ನು ನವೀನ್ ದ್ವಾರಕನಾಥ್ ನಿರ್ದೇಶಿಸಲಿದ್ದಾರೆ. ಸದ್ಯದಲ್ಲೇ ಈ ಸಿನಿಮಾ ಸೆಟ್ಟೇರಲಿದೆ.
