ಬೆಂಗಳೂರು: ದಿಯಾ ಚಿತ್ರದ ಮೂಲಕ ಗಮನ ಸೆಳೆದಿದ್ದ ಯಂಗ್ ಹೀರೋ ಪೃಥ್ವಿ ಅಂಬರ್ ಈಗ ಮತ್ತೊಂದು ಸಿನಿಮಾ ಒಪ್ಪಿಕೊಂಡಿದ್ದಾರೆ. ಇದೂ ಕೂಡಾ ಲವ್ ಸ್ಟೋರಿ.
ವಿಶೇಷವೆಂದರೆ ಈ ಸಿನಿಮಾದಲ್ಲೂ ಪೃಥ್ವಿ ದಿಯಾ ಹೀರೋಯಿನ್ ಖುಷಿ ರವಿ ಜತೆಯಾಗುತ್ತಿದ್ದಾರೆ. ದಿಯಾ ಸಿನಿಮಾದಲ್ಲಿ ಈ ಇಬ್ಬರೂ ಜೋಡಿ ಕೊನೆಗೂ ಒಂದಾಗಲೇ ಇಲ್ಲ.
ಕನಿಷ್ಠ ಪಕ್ಷ ಈ ಸಿನಿಮಾದಲ್ಲಾದರೂ ಈ ಜೋಡಿ ಒಂದಾಗಲಿ ಎಂದು ಅಭಿಮಾನಿಗಳು ಈಗ ಹಾರೈಸುತ್ತಿದ್ದಾರೆ. ಮುಂದಿನ ವರ್ಷ ಈ ಚಿತ್ರ ಸೆಟ್ಟೇರುವ ನಿರೀಕ್ಷೆಯಿದೆ.
