ಚೆನ್ನೈ: ಬಹುಭಾಷಾ ತಾರೆ ಪ್ರಕಾಶ್ ರಾಜ್ ಇತ್ತೀಚೆಗೆ ಬಲಪಂಥೀಯ ನಾಯಕರ ವಿರುದ್ಧ ಕಿಡಿ ಕಾರುತ್ತಿರುವುದು ಹೊಸತೇನಲ್ಲ. ಇದೀಗ ಎಡಪಕ್ಷದ ಆಡಳಿತವಿರುವ ಕೇರಳ ರಾಜ್ಯವನ್ನು ಪ್ರಕಾಶ್ ಹೊಗಳಿದ್ದಾರೆ.
ಕೇರಳದಲ್ಲಿ ಅಂತಾರಾಷ್ಟ್ರೀಯ ಸಿನಿಮೋತ್ಸವದಲ್ಲಿ ಮಾತನಾಡಿದ ಅವರು, ನಾನು ಭಯವಿಲ್ಲದೇ ಆರಾಮವಾಗಿ ಓಡಾಡಬಹುದಾದ ಒಂದೇ ಒಂದು ರಾಜ್ಯವೆಂದರೆ ಕೇರಳ ಎಂದಿದ್ದಾರೆ.
ಇದೇ ವೇಳೆ ಸೆಕ್ಸಿ ದುರ್ಗಾ ಎಂಬ ಮಲಯಾಳ ಸಿನಿಮಾ ಟೈಟಲ್ ವಿವಾದವಾಗುತ್ತಿರುವ ಹಿನ್ನಲೆಯಲ್ಲಿ ಮಾತನಾಡಿದ ಪ್ರಕಾಶ್ ರೈ ಕೆಲವರಿಗೆ ದುರ್ಗಾ ಎಂಬ ಹೆಸರಿಟ್ಟುಕೊಂಡು ಬಾರ್ ಇಟ್ಟುಕೊಂಡರೆ ಸಮಸ್ಯೆಯಿಲ್ಲ. ಸಿನಿಮಾ ಹೆಸರು ಮಾತ್ರ ಸಮಸ್ಯೆಯಾಗುತ್ತದೆ. ನನ್ನನ್ನು ಟೀಕಿಸುವವರನ್ನು ನೋಡಿದರೆ ನನಗೆ ನಗು ಬರುತ್ತದೆ ಎಂದಿದ್ದಾರೆ.
ಅಷ್ಟೇ ಅಲ್ಲದೆ, ಒಬ್ಬ ಕಲಾವಿದನಾಗಿ ಯಾವುದೇ ರಾಜಕೀಯ ಪಕ್ಷವೆನ್ನದೇ ಧ್ವನಿಯೆತ್ತುವ ಹಕ್ಕು ನನಗಿದೆ. ಕೆಲವರು ಧ್ವನಿ ಹತ್ತಿಕ್ಕಲು ಪ್ರಯತ್ನಿಸುತ್ತಿದ್ದಾರೆ. ಆದರೆ ಹಾಗೆ ಮಾಡುವುದು ಹೇಡಿತನವಾಗುತ್ತದೆ ಎಂದು ಪ್ರಕಾಶ್ ರೈ ಇದೇ ಸಂದರ್ಭದಲ್ಲಿ ಅಭಿಪ್ರಾಯಪಟ್ಟಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
