ಆರೋಪಿಗಳು ರಾಜ್ಯವನ್ನೇ ಆಳುತ್ತಿದ್ದಾರೆ, ಇನ್ನು ಬಿಗ್ ಬಾಸ್ ನಲ್ಲಿ ಚೈತ್ರಾ ಇದ್ರೆ ತಪ್ಪೇನು: ನೆಟ್ಟಿಗರ ಪ್ರಶ್ನೆ

Photo Credit: X

ಬೆಂಗಳೂರು: ಬಿಗ್ ಬಾಸ್ ಕನ್ನಡ ಸೀಸನ್ 11 ವಿವಾದಗಳಿಂದಲೇ ಸುದ್ದಿಯಾಗುತ್ತಿದೆ. ಇದೀಗ ವಕೀಲರೊಬ್ಬರು ಬಿಗ್ ಬಾಸ್ ಶೋನಲ್ಲಿ ಪ್ರಕರಣವೊಂದರಲ್ಲಿ ಎಫ್ಐಆರ್ ಹಾಕಿಸಿಕೊಂಡಿದ್ದ ಚೈತ್ರಾ ಕುಂದಾಪುರ ಅವರನ್ನು ಕಳುಹಿಸಿರುವುದಕ್ಕೆ ತಕರಾರು ತೆಗೆದಿದ್ದಾರೆ.

ಬಿಗ್ ಬಾಸ್ ಶೋನಲ್ಲಿ ಆರೋಪಿಗಳನ್ನು ಹೇಗೆ ಹಾಕಿಕೊಂಡಿದ್ದೀರಿ? ಈ ಬಿಗ್ ಬಾಸ್ ಶೋವನ್ನೇ ರದ್ದು ಮಾಡಬೇಕೆಂದು ವಕೀಲ ಕೆಎಲ್ ಭೋಜರಾಜ್ ಎಂಬವರು ನ್ಯಾಯಾಲಯಕ್ಕೆ ದೂರು ಸಲ್ಲಿಸಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಅವರು ಚೈತ್ರಾರನ್ನು ಒಳಗೆ ಬಿಟ್ಟುಕೊಂಡಿದ್ದು ಯಾಕೆ ಎಂದು ಪ್ರಶ್ನೆ ಮಾಡಿದ್ದರು.

ಇದಕ್ಕೆ ಪ್ರತಿಕ್ರಿಯಿಸಿರುವ ನೆಟ್ಟಿಗರು ‘ಅಯ್ಯೋ ಬಿಡಿ ಸಾರ್.. ಎಫ್ಐಆರ್ ಹಾಕಿಸಿಕೊಂಡು, ಸಾವಿರಾರು ಕೋಟಿ ಹಗರಣ ಮಾಡಿಕೊಂಡಿರುವ ಆರೋಪಿಗಳು ರಾಜ್ಯ, ದೇಶವನ್ನೇ ಆಳುತ್ತಿದ್ದಾರೆ. ಅಂತಹದ್ದರಲ್ಲಿ ಬಿಗ್ ಬಾಸ್ ಶೋನಲ್ಲಿ ಇರುವುದು ಏನು ತಪ್ಪು ಎಂದು ಪ್ರಶ್ನಿಸಿದ್ದಾರೆ.

ಬಿಗ್ ಬಾಸ್ ಶೋ ಆರಂಭವಾದಾಗಿನಿಂದ ಒಂದಲ್ಲಾ ಒಂದು ವಿವಾದಗಳಿಂದ ಸುದ್ದಿಯಾಗುತ್ತಿದೆ. ಮಹಿಳಾ ಆಯೋಗ, ಮಾನವ ಹಕ್ಕುಗಳ ಆಯೋಗವೂ ಈಗಾಗಲೇ ಕೆಲವು ವಿಚಾರಕ್ಕೆ ತಕರಾರು ತೆಗೆದಿತ್ತು. ಇದೀಗ ವಕೀಲರೊಬ್ಬರು ಶೋವನ್ನೇ ರದ್ದು ಮಾಡಲು ಅರ್ಜಿ ಸಲ್ಲಿಸಿದ್ದಾರೆ.