ಬೆಂಗಳೂರು: ಕಿರುತೆರೆ ನಟಿ, ನಂದಿನಿ ಧಾರವಾಹಿ ನಾಯಕಿ ನಿತ್ಯಾ ರಾಮ್ ಮದುವೆ ಫಿಕ್ಸ್ ಆಗಿದೆ. ವಿದೇಶದಲ್ಲಿ ನೆಲೆಸಿರುವ ಉದ್ಯಮಿಯೊಂದಿಗೆ ನಿತ್ಯಾ ವಿವಾಹವಾಗುತ್ತಿದ್ದಾರೆ.
ಎಲ್ಲರಿಗೂ ಗೊತ್ತಿರುವಂತೆ ನಿತ್ಯಾ, ನಟಿ ರಚಿತಾ ರಾಮ್ ಸಹೋದರಿಯೂ ಹೌದು. ಅಕ್ಕನಿಗೆ ಮದುವೆಯಾಗುತ್ತಿರುವ ಸುದ್ದಿ ತಿಳಿಯುತ್ತಲೇ ಇದೀಗ ಎಲ್ಲರೂ ರಚಿತಾಗೆ ಮುಂದೆ ನೀವು ಮದುವೆಯಾಗೋದು ಯಾವಾಗ ಎಂಬ ಪ್ರಶ್ನೆ ಕೇಳುತ್ತಿದ್ದಾರೆ.
ಮೂಲಗಳ ಪ್ರಕಾರ ನಿತ್ಯಾ ಡಿಸೆಂಬರ್ 5 ರಂದು ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಈ ನಡುವೆ ಮಾಧ್ಯಮಗಳು ಕೇಳಿರುವ ಪ್ರಶ್ನೆಗಳಿಗೆ ಉತ್ತರಿಸಿರುವ ರಚಿತಾ, ಅಕ್ಕನ ಮದುವೆಯಾದ ಮೇಲೆ ನನ್ನ ಮದುವೆ ಬಗ್ಗೆ ಯೋಚನೆ ಮಾಡುತ್ತೇನೆ ಎಂದಿದ್ದಾರೆ.
