ಬೆಂಗಳೂರು: ರಸ್ತೆ ಅಪಘಾತದಲ್ಲಿ ಬ್ರೈನ್ ಡೆಡ್ ಆಗಿ ಸಾವನ್ನಪ್ಪಿದ ನಟ ಸಂಚಾರಿ ವಿಜಯ್ ಕೊನೆಯ ವಿಡಿಯೋವೊಂದನ್ನು ಸ್ನೇಹಿತ, ನಟ ನೀನಾಸಂ ಸತೀಶ್ ನಿನ್ನೆ ಸಂಜೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಕೊರೋನಾ ಸಂಕಷ್ಟ ಕಾಲದಲ್ಲಿ ಕಷ್ಟದಲ್ಲಿರುವವರಿಗೆ ರೇಷನ್ ಕಿಟ್ ಒದಗಿಸುವ ಕೆಲಸದಲ್ಲಿ ವಿಜಯ್ ಕೈ ಜೋಡಿಸಿದ್ದರು. ಇದಕ್ಕಾಗಿ ರೇಷನ್ ಕಿಟ್ ತಯಾರು ಮಾಡುವ ವಿಡಿಯೋವೊಂದನ್ನು ಸತೀಶ್ ಹಂಚಿಕೊಂಡಿದ್ದಾರೆ.
ಜೊತೆಗೆ ನೀನಾಸಂ ಸತೀಶ್, ವಿಜಯ್ ಅವರನ್ನು ನ್ಯಾಷನಲ್ ಅವಾರ್ಡ್ ವಿನ್ನರ್ ಎಂದು ತಮಾಷೆ ಮಾಡಿದಾಗ ವಿಜಯ್ ಇದು ನ್ಯಾಷನಲ್ ಅವಾರ್ಡ್ ಅಲ್ಲ, ರೇಷನ್ ಅವಾರ್ಡ್ ಎಂದು ಕಿಚಾಯಿಸುತ್ತಾರೆ. ಈ ಸಂತೋಷದ ಕ್ಷಣದ ವಿಡಿಯೋ ಶೇರ್ ಮಾಡಿರುವ ಸತೀಶ್ ಸ್ನೇಹಿತನನ್ನು ಕಳೆದುಕೊಂಡ ದುಃಖವನ್ನು ಹಂಚಿಕೊಂಡಿದ್ದಾರೆ.
