ತಂದೆಯಾಗುತ್ತಿರುವ ಲೂಸ್ ಮಾದ ಯೋಗಿ! ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಹೇಳಿದ್ದು ಹೀಗೆ!

ಬೆಂಗಳೂರು: ಸ್ಯಾಂಡಲ್ ವುಡ್ ನಲ್ಲಿ ‘ದುನಿಯಾ’ ಸಿನಿಮಾ ಮೂಲಕ ಪರಿಚಿತರಾದ ಲೂಸ್ ಮಾದ ಯೋಗೇಶ್ ಈಗ ತಂದೆಯಾಗುತ್ತಿರುವ ಖುಷಿಯಲ್ಲಿದ್ದಾರೆ.

ತಮ್ಮ ಬಹುಕಾಲದ ಸ್ನೇಹಿತೆ ಸಾಹಿತ್ಯ ಜತೆ ಯೋಗೇಶ್ ಎರಡು ವರ್ಷಗಳ ಹಿಂದೆ ಮದುವೆಯಾಗಿದ್ದರು. ಇದೀಗ ತಮ್ಮ ಪತ್ನಿಯ ಗುಡ್ ನ್ಯೂಸ್ ನ್ನು ಯೋಗಿ ವಿಶಿಷ್ಟವಾಗಿ ಹೊರಜಗತ್ತಿಗೆ ಪ್ರಕಟಿಸಿದ್ದಾರೆ.

ತಮ್ಮ ಇನ್ ಸ್ಟಾಗ್ರಾಂ ಪುಟದಲ್ಲಿ ಪತ್ನಿ ಸಾಹಿತ್ಯ ಪುಟ್ಟ ಮಗುವಿನ ಡ್ರೆಸ್ ಒಂದನ್ನು ಮೈಮೇಲೆ ಹಾಕಿಕೊಂಡಿರುವ ಫೋಟೋ ಪ್ರಕಟಿಸಿರುವ ಯೋಗಿ ‘ನೀನು ಮತ್ತು ನಿನ್ನ ಪುಟ್ಟನನ್ನು ನಾನು ಯಾವತ್ತೂ ಬಯಸಿದ್ದು. ಇದು ಸದ್ಯದಲ್ಲೇ ಆಗಲಿದೆ’ ಎಂದು ವಿಶಿಷ್ಟವಾಗಿ ಬರೆದುಕೊಂಡಿದ್ದಾರೆ. ಯೋಗಿ ಗುಡ್ ನ್ಯೂಸ್ ಹೇಳಿದ್ದಕ್ಕೆ ಅವರಿಗೆ ಇದೀಗ ಅಭಿಮಾನಿಗಳಿಂದ ಶುಭಾಷಯಗಳ ಮಹಾಪೂರವೇ ಹರಿದುಬರುತ್ತಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ