ಬೆಂಗಳೂರು : ಕನ್ನಡ ಖ್ಯಾತ ನಿರ್ದೇಶಕ ನಾಗತಿಹಳ್ಳಿ ಚಂದ್ರಶೇಖರ್ ಅವರ ಹೊಸ ಸಿನಿಮಾದ ಶೂಟಿಂಗ್ ವೇಳೆ ಚಿತ್ರದ ನಾಯಕ ವಸಿಷ್ಠ ಸಿಂಹ ಹಾಗೂ ನಾಯಕಿ ಮಾನ್ವಿತಾ ಅವರನ್ನು ಲಂಡನ್‌ ಪೊಲೀಸರು ಅರೆಸ್ಟ್ ಮಾಡಿದ್ದಾರಂತೆ.
ನಾಗತಿಹಳ್ಳಿ ಚಂದ್ರಶೇಖರ್ ನಿರ್ದೇಶನದ ಇನ್ನೂ ಹೆಸರಿಡದ ಈ ಸಿನಿಮಾದಲ್ಲಿ ವಸಿಷ್ಠ ಸಿಂಹ- ಮಾನ್ವಿತಾ ನಟಿಸ್ತಿದ್ದಾರೆ. ಇದೀಗ ಈ ಸಿನಿಮಾದ ಶೂಟಿಂಗ್ ಗಾಗಿ ಇಡೀ ಚಿತ್ರತಂಡ ಯುರೋಪ್‌ಗೆ ಹೋಗಿದೆ. ಅಲ್ಲಿ ನಡು ರಸ್ತೆಯಲ್ಲಿ ಸ್ಟೆಪ್ ಹಾಕಿದ ಮಾನ್ವಿತಾ ಡಾನ್ಸ್ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಕೂಡ ಆಗಿತ್ತು.
ಆದರೆ ಶೂಟಿಂಗ್ ವೇಳೆ ಮಾನ್ವಿತಾ, ವಸಿಷ್ಠ ಹಾಡುತ್ತಾ, ಕುಣಿಯುತ್ತಾ, ಲವರ್‌ಗಳಂತೆ ಫೋಸ್‌ ಕೊಟ್ಟಿದ್ದಾರೆ. ಇದನ್ನ ನೋಡಿದ್ದ ಲಂಡನ್‌ ಪೊಲೀಸರು ಇದು ಸಾರ್ವಜನಿಕ ಸ್ಥಳ ಇಲ್ಲಿ ಹೀಗೆಲ್ಲಾ ಮಾಡಲು ಅನುಮತಿ ಇಲ್ಲ. ಇದು ಅಪರಾಧ ಎಂದು ಇವರಿಬ್ಬರನ್ನೂ ಅರೆಸ್ಟ್ ಮಾಡಿದ್ದಾರಂತೆ. ನಂತರ ಇದು ಸಿನಿಮಾ ಶೂಟಿಂಗ್ ಎಂದು ಗೊತ್ತಾಗಿ, ಮಾನ್ವಿತಾ ಮತ್ತು ವಸಿಷ್ಠ ಜೊತೆಗೆ ಒಂದು ಒಂದು ಫೊಟೋ ತೆಗೆಸಿಕೊಂಡು ಹೊರಟ್ಟಿದ್ದಾರಂತೆ. ಈ ವಿಚಾರವನ್ನ ನಾಗತಿಹಳ್ಳಿ ಚಂದ್ರಶೇಖರ್ ತಮ್ಮ ಫೇಸ್‌ಬುಕ್‌ ಪೇಜ್‌ ನಲ್ಲಿ ಬರೆದುಕೊಂಡಿದ್ದಾರೆ.
ಆದರೆ ಈ ಸುದ್ದಿ ಸುಳ್ಳು. ಇದು ಸಿನಿಮಾ ಗಿಮ್ಮಿಕ್ ಅಂತ ಹೇಳಲಾಗ್ತಾ ಇದೆ. ಜೊತೆಗೆ ಸಿನಿಮಾ ಪ್ರಚಾರ ತಗೊಳೋ ನಿಟ್ಟಿನಲ್ಲಿ ಹೀಗೆ ಮಾಡಿದ್ದಾರೆ ಎನ್ನಲಾಗ್ತಾ ಇದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
