ಬೆಂಗಳೂರು: ಅದ್ಧೂರಿ ಸಿನಿಮಾದಲ್ಲಿ ನಿರ್ದೆಶಕ ಎಪಿ ಅರ್ಜುನ್ ಧ‍್ರುವ ಸರ್ಜಾ ಕೈಯಲ್ಲಿ ಅಮ್ಮಾಟೆ ಹಾಡಿಗೆ ನೃತ್ಯ ಮಾಡಿಸಿ ಹುಡುಗಿಯರು ಕೈಕೊಟ್ಟ ಎಷ್ಟೋ ಹುಡುಗರಿಗೆ ಇಷ್ಟವಾಗಿದ್ದರು.
ಆ ಹಾಡು ಈಗಲೂ ಲವ್ ಫೈಲ್ಯೂರ್ ಆದವರಿಗೆ ಆಂಥಮ್ ಇದ್ದಂತೆ. ಈಗ ಎಪಿ ಅರ್ಜುನ್ ಕಿಸ್ ಚಿತ್ರದ ಮೂಲಕ ಬರುತ್ತಿದ್ದು, ಮತ್ತೊಂದು ಅಂತಹದ್ದೇ ಹಾಡಿನ ಮೂಲಕ ಮೋಡಿ ಮಾಡಲು ಹೊರಟಿದ್ದಾರೆ.
ತಮ್ಮ ‘ಕಿಸ್’ ಸಿನಿಮಾದಲ್ಲೂ ಲವ್ ಫೈಲ್ಯೂರ್ ಬಗ್ಗೆ ಅಂತಹದ್ದೇ ಒಂದು ಹಾಡು ಮಾಡಿದ್ದಾರೆ ಅರ್ಜುನ್. ಕಿಸ್ ಸಿನಿಮಾದ ‘ಪ್ರೀತ್ಸಿದ ಹುಡುಗಿ ಬಿಟ್ಟೋಗ್ ಬಿಟ್ರೆ’ ಎಂಬ ಹಾಡು ಇಂದು ಸಂಜೆ 5.10 ಕ್ಕೆ ಬಿಡುಗಡೆಯಾಗಲಿದೆ. ನಾಯಕ ವಿರಾಟ್ ಮತ್ತು ಕಾಮಿಡಿ ಕಿಂಗ್ ಚಿಕ್ಕಣ್ಣ ಹೆಜ್ಜೆ ಹಾಕಿರುವ ಈ ಹಾಡೂ ಅಮ್ಮಾಟೆ ಹಾಡಿನಂತೆ ಮೋಡಿ ಮಾಡುತ್ತದೆ ಎಂಬ ನಿರೀಕ್ಷೆ ನಿರ್ದೇಶಕರದ್ದು.
