ಬೆಂಗಳೂರು: ನಟ ಕಿಚ್ಚ ಸುದೀಪ್ ಅವರ ತಾಯಿ ಸರೋಜಾ ಅವರು ಇಂದು ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ವಿಚಾರ ತಿಳಿಯುತ್ತಿದ್ದ ಹಾಗೇ ಅಮ್ಮನನ್ನು ನೋಡಲು ಸುದೀಪ್ ಆಸ್ಪತ್ರೆಗೆ ನೋವಿನಲ್ಲೇ ಬಂದಿದ್ದಾರೆ.
ಈಚೆಗೆ ತಾಯಿಗೋಸ್ಕರ ಸುದೀಪ ವ್ರತ ಆಚರಿಸಿಕೊಂಡಿದ್ದರು. ಹೌದು ಬಿಗ್‌ಬಾಸ್‌ ಸೀಸನ್ ಮೊದಲ ವಾರದ ಕಿಚ್ಚನ ಪಂಚಾಯಿತಿಯಲ್ಲಿ ಸುದೀಪ್ ಚಪ್ಪಲಿ ಹಾಕದೆ ವೇದಿಕೆ ಮೇಲೆ ಕಾಣಿಸಿಕೊಂಡಿದ್ದರು. ಸಾಮಾನ್ಯವಾಗಿ ವೀಕೆಂಡ್‌ನಲ್ಲಿ ಸ್ಟೈಲಿಶ್ ಬಟ್ಟೆಯೊಂದಿಗೆ ಅದಕ್ಕೆ ಹೊಂದುವ ಚಪ್ಪಲಿ, ಶೂ ಧರಿಸಿ ವೇದಿಕೆ ಬರುತ್ತಿದ್ದರು.
ಆದರೆ ನವರಾತ್ರಿಯಂದು ಬಾರಿಗಾಲಲ್ಲೇ ವೀಕೆಂಡ್‌ ಶೂ ಅನ್ನು ಮುಗಿಸಿ, ಅಚ್ಚರಿ ಮೂಡಿಸಿದ್ದರು. ಇದಕ್ಕೆ ಕಾರಣ ಅವರ ಅಮ್ಮನೇ ಎಂದಿದ್ದರು.
ನವರಾತ್ರಿ ಹಿನ್ನೆಲೆ ಅಮ್ಮನಿಗಾಗಿ ವ್ರತ ಮಾಡಿದ ಸುದೀಪ್ ಅವರು ಕಾಲಿಗೆ ಚಪ್ಪಲಿ ಧರಿಸದೇ ಬರಿಗಾಲಲ್ಲಿ ವೇದಿಕೆಗೆ ಬಂದಿದ್ದರು. ಅದಲ್ಲದೆ ಅಮ್ಮನ ಮಾತಿನಂತೆ ಬೂದು ಬಣ್ಣದ ಡ್ರೆಸ್‌ನಲ್ಲಿ ಬಂದಿದ್ದರು. ಅದಲ್ಲದೆ ಅಮ್ಮ ಈಗ ಓಕೆನಾ ಎಂದು ಶೋ ಮೂಲಕನೇ ಕೇಳಿಕೊಂಡಿದ್ದರು.
