ಬೆಂಗಳೂರು: ಕೆಜಿಎಫ್ 1 ಸಿನಿಮಾ ಈಗಾಗಲೇ ಕನ್ನಡ, ಹಿಂದಿ, ಮಲಯಾಳಂ ಭಾಷೆಗಳಲ್ಲಿ ಕಿರುತೆರೆ ವಾಹಿನಿಯಲ್ಲಿ ಪ್ರಸಾರವಾಗಿದೆ. ಆದರೆ ತೆಲುಗಿನಲ್ಲಿ ಇದುವರೆಗೆ ಕಿರುತೆರೆಯಲ್ಲಿ ಪ್ರಸಾರವಾಗಿರಲಿಲ್ಲ.
ಕೆಜಿಎಫ್ 1 ತೆಲುಗು ರೈಟ್ಸ್ ಬಗ್ಗೆ ಹಲವು ಮಾತುಕತೆಗಳ ಬಳಿಕ ಇದೀಗ ಚಿತ್ರವನ್ನು ಸ್ಟಾರ್ ಮಾ ವಾಹಿನಿ ಖರೀದಿ ಮಾಡಿದೆ. ಸದ್ಯದಲ್ಲೇ ಸ್ಟಾರ್ ಮಾ ಕೆಜಿಎಫ್ 1 ತೆಲುಗು ಅವತರಣಿಕೆಯನ್ನು ಪ್ರಸಾರ ಮಾಡಲಿದೆ.
ಇದಕ್ಕೂ ಮೊದಲು ಸ್ಥಳೀಯ ವಾಹಿನಿಯೊಂದು ಕೆಜಿಎಫ್ 1 ಸಿನಿಮಾವನ್ನು ಅನಧಿಕೃತವಾಗಿ ರಿಲೀಸ್ ಮಾಡಿ ನಿರ್ಮಾಪಕರ ಕೆಂಗಣ್ಣಿಗೆ ಗುರಿಯಾಗಿತ್ತು. ಇದೀಗ ಎಲ್ಲಾ ಊಹಾಪೋಹಗಳಿಗೂ ತೆರೆ ಬಿದ್ದಿದ್ದು, ಭಾರೀ ಮೊತ್ತಕ್ಕೆ ಸ್ಟಾರ್ ಮಾ ಕೆಜಿಎಫ್ 1 ಹಕ್ಕು ಖರೀದಿ ಮಾಡಿದೆ ಎನ್ನಲಾಗಿದೆ.
