ಬೆಂಗಳೂರು: ಕೆಲವು ತಿಂಗಳುಗಳ ಹಿಂದೆ ಫೇಸ್ ಆಪ್ ಮೂಲಕ ಸೆಲೆಬ್ರಿಟಿಗಳು ವಯಸ್ಸಾದವರಂತೆ ತಮ್ಮ ಫೋಟೋ ಎಡಿಟ್ ಮಾಡಿಕೊಂಡು ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದು ವೈರಲ್ ಆಗಿತ್ತು. ಇದೀಗ ಇದೇ ಆಪ್ ನ ಲಿಂಗ ಬದಲಾವಣೆ ಟೆಕ್ನಿಕ್ ವೈರಲ್ ಆಗುತ್ತಿದೆ.
ಫೇಸ್ ಆಪ್ ಮೂಲಕ ಹೆಣ್ಣು ಗಂಡಿನಂತೆ ಕಾಣುವ ರೀತಿ ಫೋಟೋ ಎಡಿಟ್ ಮಾಡಿಕೊಂಡು ಸೆಲೆಬ್ರಿಟಿಗಳು ತಮ್ಮ ಫನ್ನಿ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸುತ್ತಿದ್ದಾರೆ.
ನಟ ಜಯರಾಮ್ ಕಾರ್ತಿಕ್ ತಮ್ಮ ಫೋಟೋವನ್ನು ಫೇಸ್ ಆಪ್ ಬಳಸಿ ಚೇಂಜ್ ಮಾಡಿದ್ದು ಪಕ್ಕಾ ಹುಡುಗಿಯಂತೆ ಕಾಣುತ್ತಿದ್ದಾರೆ. ಇದು ಜೆಕೆ ಎಂದು ಜನರು ಗುರುತಿಸಲೂ ಕಷ್ಟವಾಗುವ ರೀತಿ ಫೋಟೋದಲ್ಲಿ ಅವರ ಫೇಸ್ ಚೇಂಜ್ ಆಗಿದೆ. ನಟಿ ಅನುಪಮಾ ಗೌಡ ಕೂಡಾ ಫೇಸ್ ಆಪ್ ಬಳಸಿ ತಮ್ಮ ಗಂಡಿನ ರೂಪದ ಫೋಟೋ ಪ್ರಕಟಿಸಿದ್ದಾರೆ. ಆದರೆ ಈ ಫೋಟೋ ನೋಡಿದವರಿಗೆ ಇದು ಅನುಪಮಾರೇ ಎಂದು ಗುರುತು ಸಿಗುತ್ತಿದೆ. ಆದರೂ ತಾರೆಗಳ ಈ ರೂಪಾಂತರದ ಫೋಟೋ ಅಭಿಮಾನಿಗಳಿಗೆ ಒಂದು ರೀತಿಯ ತಮಾಷೆಯಾಗಿದೆ.
