ಕುಂದಾಪುರ: ಬಹುನಿರೀಕ್ಷಿತ ಕಾಂತಾರ ಚಾಪ್ಟರ್ 1 ಸಿನಿಮಾ ಶೂಟಿಂಗ್ ಗೆಂದು ಜ್ಯೂನಿಯರ್ ಕಲಾವಿದರನ್ನು ಕರೆದುಕೊಂಡು ಬಂದು ದುಡ್ಡು ಕೊಡದೇ ನಡು ರಸ್ತೆಯಲ್ಲೇ ನಿಲ್ಲಿಸಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.
ಕೋ ಆರ್ಡಿನೇಟರ್ ಗಳ ಅಸಡ್ಡೆಯಿಂದ ಈ ಅವಸ್ಥೆಯಾಗಿದೆ ಎಂಬ ಆರೋಪ ಕೇಳಿಬಂದಿದೆ. ಕಾಂತಾರ ಚಾಪ್ಟರ್ 1 ಸಿನಿಮಾಗೆ ಜ್ಯೂನಿಯರ್ ಕಲಾವಿದರು ಬೇಕು. ಒಂದು ತಿಂಗಳ ಕೆಲಸವಿದೆ ಎಂದು ಕರೆಸಿಕೊಂಡು ಪೇಮೆಂಟ್ ಕೊಡದೇ, ಊಟವನ್ನೂ ಕೊಡದೇ ಮೋಸ ಮಾಡಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.
ಮಹಿಳೆಯರೂ ಸೇರಿದಂತೆ ಜ್ಯೂನಿಯರ್ ಕಲಾವಿದರನ್ನು ಮಧ್ಯರಾತ್ರಿ ನಡು ರಸ್ತೆಯಲ್ಲಿ ನಿಲ್ಲಿಸಲಾಗಿದೆ. ಐದು ದಿನ ದುಡಿಸಿಕೊಂಡು ದುಡ್ಡೂ ಕೊಡದೇ ಊಟವೂ ಕೊಡದೇ ಸತಾಯಿಸಿದ್ದಾರೆ. ಕನ್ನಡಿಗರು ಮಾತ್ರವಲ್ಲ, ಜ್ಯೂನಿಯರ್ ಕಲಾವಿದರ ಪೈಕಿ ಕೆಲವರು ಕೇರಳದಿಂದ ಬಂದ ಮಹಿಳೆಯರೂ ಇದ್ದರು.
ರೂಂ ಕೊಡದೇ, ದುಡ್ಡೂ ಕೊಡದೇ ಸತಾಯಿಸಿದ್ದಾರೆ. ನಮ್ಮ ಸಮಸ್ಯೆ ರಿಷಭ್ ಶೆಟ್ಟಿಗೆ ತಲುಪಬೇಕು ಎಂದು ಜ್ಯೂನಿಯರ್ ಕಲಾವಿದರು ವಿಡಿಯೋ ಮಾಡಿ ಸೋಷಿಯಲ್ ಮೀಡಿಯಾದಲ್ಲಿ ಹರಿಯಬಿಟ್ಟಿದ್ದಾರೆ. ಎಲ್ಲಾ ಕಲಾವಿದರಿಗೆ ಕೈ, ಕಾಲಿಗೆ ಗಾಯಗಳಾಗಿವೆ. ಆದರೆ ಅದಕ್ಕೆ ಚಿಕಿತ್ಸೆಯನ್ನೂ ಕೊಡಿಸಿಲ್ಲ ಎಂಬ ಆರೋಪ ಮಾಡಿದ್ದಾರೆ. ಬಹುಕೋಟಿ ವೆಚ್ಚದಲ್ಲಿ ನಿರ್ಮಾಣ ಮಾಡುತ್ತಿರುವ ಹೊಂಬಾಳೆ ಫಿಲಂಸ್ ಗೆ ಇದೊಂದು ಮುಜುಗರದ ಸಂಗತಿಯಾಗಿದೆ.
