ಬೆಂಗಳೂರು: ಗೋಲ್ಡನ್ ಸ್ಟಾರ್ ಗಣೇಶ್ ಮತ್ತು ಯೋಗರಾಜ್ ಭಟ್ ಕಾಂಬಿನೇಷನ್ ನಲ್ಲಿ ಮೂಡಿಬಂದ ಸೂಪರ್ ಹಿಟ್ ಸಿನಿಮಾ ಗಾಳಿಪಟ. ಈ ಸಿನಿಮಾದ ಸೀಕ್ವೆಲ್ ಗಾಳಿಪಟ 2 ಮಾಡುವುದಾಗಿ ಭಟ್ಟರು ಘೋಷಿಸಿ ಅದೆಷ್ಟೋ ದಿನಗಳಾಗಿವೆ.
ಈ ನಡುವೆ ಗಾಳಿಪಟ ಸಿನಿಮಾಗೆ ಗಣೇಶ್ ನಾಯಕರಾಗಿದ್ದು ಅವರ ಜತೆಗೆ ಒಂದನೇ ಭಾಗದಲ್ಲಿ ನಟಿಸಿದ್ದ ದಿಗಂತ್ ಮಂಚಾಲೆ, ಅನಂತ್ ನಾಗ್ ಇಲ್ಲೂ ಪಾತ್ರ ಮಾಡುತ್ತಿರುವ ವಿಚಾರವನ್ನು ಭಟ್ಟರು ಹೇಳಿಕೊಂಡಿದ್ದರು. ಅದರ ಜತೆಗೆ ಬಾಲಿವುಡ್ ನಟ ಪ್ರಭುದೇವರನ್ನೂ ಕರೆತರುವ ಪ್ರಯತ್ನ ಮಾಡಿದ್ದಾರೆ.
ಇಷ್ಟೆಲ್ಲಾ ಆದರೂ ಇನ್ನೂ ಗಾಳಿಪಟ 2 ಸಿನಿಮಾ ಚಿತ್ರೀಕರಣ ಆರಂಭವಾಗಿರಲಿಲ್ಲ. ಅದಕ್ಕೆ ಮುಂದಿನ ತಿಂಗಳು ಚಾಲನೆ ಸಿಗಲಿದೆಯಂತೆ. ಉತ್ತರ ಕರ್ನಾಟಕದಲ್ಲಿ ತಾವು ಗೊತ್ತು ಮಾಡಿದ್ದ ಪ್ರದೇಶಗಳಲ್ಲಿ ಶೂಟಿಂಗ್ ನಡೆಸಲು ಪ್ರವಾಹದಿಂದಾಗಿ ಹಾಳಾಗಿತ್ತು. ಅದೆಲ್ಲಾ ಸರಿ ಹೋದ ಮೇಲೆ ಇದೀಗ ನವಂಬರ್ ನಿಂದ ಚಿತ್ರೀಕರಣ ಪ್ರಾರಂಭಿಸುತ್ತಿರುವುದಾಗಿ ಚಿತ್ರತಂಡ ಘೋಷಿಸಿದೆ.
