ಅಟ್ ಲೀಸ್ಟ್ ಇದಾದ್ರೂ ಮಾಡಿ..! ಕೆಜಿಎಫ್ 2 ನಿರ್ದೇಶಕರಿಗೆ ಫ್ಯಾನ್ಸ್ ಮನವಿ

ಬೆಂಗಳೂರು: ಎಲ್ಲಾ ಸರಿ ಹೋಗಿದ್ದರೆ ಈ ದಸರಾಗೆ ಕೆಜಿಎಫ್ 2 ಸಿನಿಮಾ ಬಿಡುಗಡೆಯಾಗಬೇಕಿತ್ತು. ಆದರೆ ಲಾಕ್ ಡೌನ್ ನಿಂದಾಗಿ ನಿಗದಿತ ಸಮಯಕ್ಕೆ ಚಿತ್ರ ಬಿಡುಗಡೆ ಸಾಧ್ಯವಾಗಿಲ್ಲ.

ಈಗ ಅಂತಿಮ ಹಂತದ ಚಿತ್ರೀಕರಣ ನಡೆಯುತ್ತಿದೆ. ಆದರೆ ಚಿತ್ರ ಬಿಡುಗಡೆಯಾಗದಿದ್ದರೂ ಪರವಾಗಿಲ್ಲ, ಕನಿಷ್ಠ ಪಕ್ಷ ಟೀಸರ್ ಆದ್ರೂ ಬಿಡುಗಡೆ ಮಾಡಿ. ಶೇ. 60 ಚಿತ್ರೀಕರಣವಾದ ರಾಜಮೌಳಿಯವರ ‘ತ್ರಿಬಲ್ ಆರ್’ ಸಿನಿಮಾ ತಂಡವೇ ಈಗಾಗಲೇ ಎರಡು ಟೀಸರ್ ಹೊರಬಿಟ್ಟಿದೆ. ಆದರೆ ನೀವು 90 ಶೇಕಡಾ ಚಿತ್ರೀಕರಣವಾದರೂ ಒಂದೇ ಒಂದು ವಿಡಿಯೋ ತೋರಿಸಿಲ್ಲ. ನಮಗೆ ನಿರಾಸೆ ಮಾಡಬೇಡಿ ಎಂದು ಸಾಮಾಜಿಕ ಜಾಲತಾಣದ ಮೂಲಕ ನಿರ್ದೇಶಕ ಪ್ರಶಾಂತ್ ನೀಲ್, ನಿರ್ಮಾಪಕ ಕಾರ್ತಿಕ್ ಗೌಡ ಮತ್ತು ರಾಕಿಂಗ್ ಸ್ಟಾರ್ ಯಶ್ ಗೆ ಮನವಿ ಮಾಡಿದ್ದಾರೆ.