ಬಿಗ್ ಬಾಸ್ ಕನ್ನಡ 9 ಪ್ರೋಮೋ ರಿಲೀಸ್: ಇಂಥವರನ್ನು ಮಾತ್ರ ಸೆಲೆಕ್ಟ್ ಮಾಡಬೇಡಿ ಎಂದ ನೆಟ್ಟಿಗರು!

ಬೆಂಗಳೂರು: ಬಿಗ್ ಬಾಸ್ ಕನ್ನಡ 9 ನೇ ಆವೃತ್ತಿ ಆರಂಭವಾಗುತ್ತಿರುವ ಬಗ್ಗೆ ಕಲರ್ಸ್ ಕನ್ನಡ ವಾಹಿನಿ ಪ್ರೋಮೋ ಹರಿಯಬಿಟ್ಟಿದೆ.

ಕಿಚ್ಚ ಸುದೀಪ್ ನಿರೂಪಕರಾಗಿರುವ ಶೋನ ಪ್ರೋಮೋ ಹರಿಯಬಿಡುತ್ತಿದ್ದಂತೇ ನೆಟ್ಟಿಗರು ಸಲಹೆಯೊಂದನ್ನು ನೀಡಿದ್ದಾರೆ. ಈಗಾಗಲೇ ಒಟಿಟಿ ಶೋ ಮುಕ್ತಾಯದ ಹಂತ ತಲುಪಿದ್ದು, ಇದು ಮುಗಿದ ಬೆನ್ನಲ್ಲೇ ಟಿವಿಯಲ್ಲಿ ಎಂದಿನಂತೆ 9 ನೇ ಆವೃತ್ತಿ ಆರಂಭವಾಗಲಿದೆ.

ಆದರೆ ಟಿವಿ ಶೋನಲ್ಲಿ ಒಟಿಟಿಯಲ್ಲಿರುವಂತೆ ಅಶ್ಲೀಲ ಮಾತುಗಳು, ಅಂತಹ ಸ್ಪರ್ಧಿಗಳನ್ನು ದಯವಿಟ್ಟು ಕರೆಸಬೇಡಿ. ಇದರಿಂದ ಮನೆ ಮಂದಿಯೊಂದಿಗೆ ಕುಳಿತು ಸಿನಿಮಾ ನೋಡಲು ಮುಜುಗರವಾಗುತ್ತದೆ ಎಂದು ನೆಟ್ಟಿಗರು ಸಲಹೆ ನೀಡಿದ್ದಾರೆ. ಇನ್ನು, ಕಾಫಿ ನಾಡು ಚಂದ್ರು ಸ್ಪರ್ಧಿಯಾಗಿ ಬರಬೇಕೆಂದು ಅನೇಕರು ಆಗ್ರಹಿಸಿದ್ದಾರೆ.