ಸಾಮಾನ್ಯವಾಗಿ ಸಿನಿಮಾ ತಾರೆಗಳು, ರಾಜಕೀಯ ಮುಖಂಡರು ಎಂದರೆ ಗಾಸಿಪ್‌ಗಳಿಗೇನು ಬರವಿರಲ್ಲ. ಅದರಲ್ಲೂ ಸಿನಿಮಾ ನಟಿಯರ ಮೇಲಂತೂ ಗಾಸಿಪ್‌ಗಳು ಬಿಸಿಯಾಗಿಯೇ ಇರುತ್ತವೆ ಎನ್ನುತ್ತಿದ್ದಾರೆ ಬೆಂಗಳೂರು ಬೆಡಗಿ, ಟಾಲಿವುಡ್ ಚಿತ್ರಗಳ ನಟಿ ಅನುಷ್ಕಾ ಶೆಟ್ಟಿ.
ಅನುಷ್ಕಾ ಮೇಲೆ ಹಾಟ್ ಸುದ್ದಿಗಳು ಸಾಕಷ್ಟು ಹರಿದಾಡಿದ್ದವು. ಮುಖ್ಯವಾಗಿ ಈ ಸ್ವೀಟಿ ಮದುವೆ ಬಗ್ಗೆ ಅದೆಷ್ಟೋ ವದಂತಿಗಳು ಹಬ್ಬಿದ್ದವು. ಈಗ ಆ ಗಾಳಿಸುದ್ದಿಗಳಿಗೆ ಬ್ರೇಕ್ ಬಿದ್ದಿದೆ ಎಂದಿದ್ದಾರೆ ಅನುಷ್ಕಾ. "ಇದಕ್ಕೂ ಮುಂಚೆ ನನ್ನ ಮೇಲೆ ಸಾಕಷ್ಟು ಗಾಸಿಪ್ ಸುದ್ದಿಗಳು ಹರಿದಾಡುತ್ತಿದ್ದವು. ಬಹುಶಃ ನನ್ನನ್ನು ಕ್ಷಮಿಸಿ ಬಿಟ್ಟುಬಿಡುತ್ತಿದ್ದಾರೇನೋ" ಎಂದಿದ್ದಾರೆ.
ಇಲ್ಲದಿದ್ದರೆ ನನ್ನ ಮನಸ್ಥಿತಿ ಅವರಿಗೆ ಅರ್ಥವಾಗಿರಬೇಕು. ಹಾಗಾಗಿ ನನ್ನ ಬಗ್ಗೆ ಯಾರೂ ಹೆಚ್ಚಾಗಿ ಗಾಸಿಪ್ ಸುದ್ದಿಗಳನ್ನು ಬರೆಯುತ್ತಿಲ್ಲ. ಈ ಬಗ್ಗೆ ನನ್ನ ಸಹನಟಿಯರಿಗೆ ಕೊಡುವ ಸಲಹೆ ಒಂದೇ. ನಿಮ್ಮ ಬಗ್ಗೆ ನೀವು ನಂಬಿಕೆ ಇಟ್ಟುಕೊಳ್ಳಿ. ಯಾರಿಗೂ ಉತ್ತರ ಕೊಡುವ ಅಗತ್ಯವಿಲ್ಲ, ನಿಮ್ಮ ಕುಟುಂಬ ಸದಸ್ಯರಿಗೆ ಬಿಟ್ಟು..." ಎಂದಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
