ಬಹುಭಾಷಾ ನಟಿ ರಶ್ಮಿಕಾ ಮಂದಣ್ಣ ಕಳೆದ ಕೆల ದಿನಗಳಿಂದ ಸುದ್ದಿಯಲ್ಲಿದ್ದಾರೆ. ಅವರ ಮುಖವನ್ನು ಬಳಸಿಕೊಂಡು ಡೀಪ್ ಫೇಸ್ ವಿಡಿಯೋ ಮಾಡಿ ವೈರಲ್ ಮಾಡಲಾಗಿತ್ತು.
ಝಾರಾ ಪಟೇಲ್ ಎನ್ನುವ ಇಂಡೋ - ಬ್ರಿಟೀಷ್ ಸೋಶಿಯಲ್ ಮೀಡಿಯಾ ತಾರೆಯ ಅಸಲಿ ವಿಡಿಯೋಗೆ ರಶ್ಮಿಕಾ ಅವರ ಫೋಟೋವನ್ನು ಎಐ ಮೂಲಕ ಡೀಪ್ ಫೇಕ್ ಮಾಡಲಾಗಿತ್ತು. ಸ್ತನದ ಅರ್ಧ ಭಾಗ ತೋರುವಂತೆ ಆಶ್ಲೀಲವಾಗಿ ಎಡಿಟ್ ಮಾಡಲಾಗಿತ್ತು. ಡೀಪ್ ಫೇಕ್ ವಿಡಿಯೋಗೆ ಬಿಗ್ ಬಿ ಸೇರಿದಂತೆ ಅನೇಕರು ರಶ್ಮಿಕಾ ಅವರ ಪರ ನಿಂತಿದ್ದಾರೆ. ಈ ಸಂಬಂಧ ದೆಹಲಿ ಪೊಲೀಸರು ಎಫ್ ಐಆರ್ ಕೂಡ ದಾಖಲಿಸಿದ್ದಾರೆ.
ರಶ್ಮಿಕಾ ಬಳಿಕ ಕತ್ರಿನಾ ಕೈಫ್ ಅವರ ಫೋಟೋವನ್ನು ಕೂಡ ಡೀಪ್ ಫೇಕ್ ಮಾಡಲಾಗಿತ್ತು. ಇದೀಗ ರಶ್ಮಿಕಾ ಅವರ ಮತ್ತೊಂದು ವಿಡಿಯೋ ಡೀಪ್ ಫೇಕ್ ಮಾಡಲಾಗಿದೆ. ಯುವತಿಯೊಬ್ಬರ ವಿಡಿಯೋಗೆ ರಶ್ಮಿಕಾ ಅವರ ಮುಖವನ್ನು ಮಾರ್ಫಿಂಗ್ ಮಾಡಲಾಗಿದೆ. ಇದನ್ನು ರಶ್ಮಿಕಾ ಅವರ ಫ್ಯಾನ್ ಪೇಜ್ ವೊಂದು ಹಂಚಿಕೊಂಡಿದೆ. ನಗುಮುಖದಲ್ಲಿರುವ ರಶ್ಮಿಕಾರ ಈ ಡೀಪ್ ಫೇಕ್ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
