ನವದೆಹಲಿ : ಕೇಂದ್ರ ಸರ್ಕಾರ ಗೃಹೋಪಯೋಗಿ ವಸ್ತುಗಳ ಮೇಲಿನ ಜಿ.ಎಸ್.ಟಿ ದರ ಇಳಿಕೆ ಮಾಡಿದ್ದು,ಜಿಎಸ್ ಟಿ ಪರಿಷ್ಕೃತ ದರಗಳು ಶುಕ್ರವಾರದಿಂದ ಜಾರಿಗೆ ಬಂದಿವೆ.
ಫ್ರಿಡ್ಜ್, ಸಣ್ಣ ಪರದೆಯ ಟಿವಿ, ವಾಷಿಂಗ್ ಮೆಷಿನ್, ಫುಟ್ ವೇರ್ ಮತ್ತಿತರ ಉತ್ಪನ್ನಗಳ ಮೇಲಿನ ಜಿ.ಎಸ್.ಟಿ ದರಗಳು ಕನಿಷ್ಠ 7 ರಿಂದ 10 ರಷ್ಟು ಕಡಿತವಾಗಿದೆ. ಎಲೆಕ್ಟ್ರಾನಿಕ್ಸ್‌ ವಲಯದ ಪ್ರಮುಖ ಕಂಪನಿಯಾದ ಸ್ಯಾಮ್‌ಸಂಗ್‌, ಟಿ.ವಿ, ಫ್ರಿಡ್ಜ್, ವಾಷಿಂಗ್ ಮಶೀನ್ ದರಗಳನ್ನು ಶೇ.8ರಷ್ಟು ಇಳಿಕೆ ಮಾಡಿದೆ. ಎಲ್ ಜಿ, ಕಂಪನಿ ಸಹ ವಾಷಿಂಗ್ ಮಶೀನ್, ವಾಕ್ಯೂಮ್ ಕ್ಲೀನರ್ ದರ ಇಳಿಸಿದೆ. ಆ ಮೂಲಕ ಜಿಎಸ್ ಟಿ ದರ ಇಳಿಕೆಯ ಲಾಭವನ್ನು ಗ್ರಾಹಕರಿಗೆ ವರ್ಗಾಯಿಸುತ್ತಿರುವುದಾಗಿ ಹೇಳಿದೆ.
ಗೃಹೋಪಯೋಗಿ ವಸ್ತುಗಳು, ಶೇ.28 ರ ಜಿ.ಎಸ್.ಟಿ. ಶ್ರೇಣಿಯಲ್ಲಿದ್ದು, ಜುಲೈ 21 ರಂದು ನಡೆದ ಜಿ.ಎಸ್.ಟಿ. ಸಭೆಯಲ್ಲಿ ಈ ದರವನ್ನು ಪರಿಷ್ಕರಿಸಿ ತೆರಿಗೆಯನ್ನು ಇಳಿಸಲಾಗಿತ್ತು. ಅದು ಜುಲೈ 27 ರಿಂದ ಜಾರಿಗೆ ಬಂದಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ