ಟೊರೆನ್ಟೊ : ಸಾಮಾನ್ಯವಾಗಿ ಪ್ರಯಾಣಿಸುವಾಗ ಎಲ್ಲರಿಗೂ ನಿದ್ದೆ ಬರುತ್ತದೆ. ಆದರೆ ವಿಮಾನದಲ್ಲಿ ಪ್ರಯಾಣ ಮಾಡುವಾಗ ನಿದ್ದೆ ಮಾಡಿದ ಮಹಿಳೆಯೊಬ್ಬಳ ಕತೆ ಏನಾಯಿತು ಎಂದು ನೀವು ಕೇಳಿದರೆ ಇನ್ಮೇಲೆ ಪ್ರಯಾಣಿಸುವಾಗ ನಿಮಗೆ ನಿದ್ದೆ ಬರುವುದೇ ಡೌಟ್.
ಹೌದು. ಟಿಫಾನಿ ಆಯಡಮ್ ಎನ್ನುವ ಯುವತಿ ಏರ್ ಕೆನಡಾದಲ್ಲಿ ಟೊರೆನ್ಟೊಗೆ ಪ್ರಯಾಣಿಸಿದ್ದಾಳೆ. ಅಲ್ಲಿ ಆಕೆ ನಿದ್ದೆಗೆ ಜಾರಿದ್ದಾಳೆ. ಆದರೆ ಎಚ್ಚರವಾದಾಗ ಆಕೆಗೆ ಶಾಕ್ ಆಗಿದೆ. ಯಾಕೆಂದರೆ ವಿಮಾನದೊಳಗೆ ಆಕೆ ಒಬ್ಬಳೆ ಇದ್ದಳಂತೆ. ಅಲ್ಲದೇ ಸುತ್ತಲೂ ಕತ್ತಲು ಆವರಿಸಿದ್ದು, ವಿಮಾನದ ಬಾಗಿಲು ಕೂಡ ಲಾಕ್ ಆಗಿತ್ತಂತೆ. ವಿಮಾನದಲ್ಲಿ ವಿದ್ಯುತ್ ಸಂಪರ್ಕ ಕಟ್ ಆದ ಕಾರಣ ಲೈಟ್ ಕೂಡ ಆನ್ ಆಗುತ್ತಿರಲ್ಲಿಲ್ಲ. ಆಕೆಯ ಮೊಬೈಲ್ ನಲ್ಲಿ ಚಾರ್ಚ್ ಕೂಡ ಇರಲಿಲ್ಲವಂತೆ. ಒಂದು ಕ್ಷಣ ಆಕೆ ಗಾಬರಿಗೊಂಡು ಕಿರುಚಾಡಿದ್ದಾಳೆ.
ಕೊನೆಗೆ ಕಾಕ್ ಪಿಟ್ ಗೆ ತೆರಳಿ ಅಲ್ಲಿದ್ದ ಟಾರ್ಚ್ ನಿಂದ ಎದುರಿನ ಕನ್ನಡಿಯಿಂದ ಏರ್‌ಪೋರ್ಟ್‌ ಭಾಗಕ್ಕೆ ಟಾರ್ಚ್ ಉರಿಸುತ್ತಾ ಸನ್ನೆ ಮಾಡಲಾರಂಭಿಸಿದರು. ವಿಮಾನದಿಂದ ಬೆಳಕು ಕಂಡು, ಏರ್‌ಪೋರ್ಟ್‌ ಸಿಬ್ಬಂದಿಯೊಬ್ಬ ನೋಡಿ. ಬಳಿಕ ಸಂಬಂಧಪಟ್ಟ ಅಧಿಕಾರಿಗಳಿಗೆ ತಿಳಿಸಿ, ಟಿಫನಿಯನ್ನು ವಿಮಾನದಿಂದ ಹೊರಗೆ ಕರೆದುಕೊಂಡು ಬಂದಿದ್ದಾನೆ. ಈ ವಿಚಾರವನ್ನು ಆಕೆ ತನ್ನ ಫೇಸ್ ಬುಕ್ ನಲ್ಲಿ ಬರೆದುಕೊಂಡಿದ್ದಾರೆ.
