ನ್ಯೂಯಾರ್ಕ್ : ಕೊಲೊರಾಡೋ ಸ್ಪ್ರಿಂಗ್ಸ್ನಲ್ಲಿ ಶನಿವಾರ ರಾತ್ರಿ ಸಲಿಂಗಕಾಮಿಗಳ ನೈಟ್ಕ್ಲಬ್ನಲ್ಲಿ ನಡೆದ ಗುಂಡಿನ ದಾಳಿಯಲ್ಲಿ ಐದು ಜನರು ಸಾವನ್ನಪ್ಪಿದ್ದು, 18 ಜನರು ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಕ್ಲಬ್ ಕ್ಯೂನಲ್ಲಿ ನಡೆದ ದಾಳಿಯ ನಂತರ ಶಂಕಿತ ಮಹಿಳೆಯನ್ನು ಬಂಧಿಸಲಾಗಿದ್ದು, ಗಾಯಗೊಂಡಿದ್ದ ಆತನಿಗೂ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ಕೊಲೊರಾಡೋ ಸ್ಪ್ರಿಂಗ್ಸ್ ಪೊಲೀಸ್ ಲೆಫ್ಟಿನೆಂಟ್ ಪಮೇಲಾ ಕ್ಯಾಸ್ಟ್ರೋ ಮಾಹಿತಿ ನೀಡಿದ್ದಾರೆ.
ದಾಳಿಯ ಉದ್ದೇಶದ ಬಗ್ಗೆ ಆಕೆ ಯಾವುದೇ ಮಾಹಿತಿ ನೀಡಿಲ್ಲ. ಗುಂಡಿನ ದಾಳಿಗೆ ಯಾವ ರೀತಿಯ ಬಂದೂಕು ಬಳಸಲಾಗಿದೆ ಎಂದು ಹೇಳಲು ನಿರಾಕರಿಸಿದ್ದಾಳೆ.
ಕ್ಲಬ್ ತನ್ನ ಫೇಸ್ಬುಕ್ ಪುಟದಲ್ಲಿ, ನಮ್ಮ ಸಮುದಾಯದ ಮೇಲಿನ ಪ್ರಜ್ಞಾಶೂನ್ಯ ದಾಳಿ ಖಂಡನೀಯ. ಬಂದೂಕುಧಾರಿಯನ್ನು ಸದೆಬಡಿಯಲು ಹೆಚ್ಚಿನ ಹಾನಿ ತಪ್ಪಿಸಿದ ಗ್ರಾಹಕರಿಗೆ ನಾವು ಧನ್ಯವಾದ ಸಲ್ಲಿಸುತ್ತೇವೆ ಎಂದು ಬರೆದುಕೊಂಡಿದೆ.