ನ್ಯೂಯಾರ್ಕ್: ಹೆಂಡತಿಗೆ ಗೊತ್ತಾಗದಂತೆ ತನ್ನ ಪ್ರೇಯಸಿ ಜೊತೆ ಸಂಬಂಧ ಕಾಪಾಡಿಕೊಳ್ಳಲು ಇಲ್ಲೊಬ್ಬ ಮಹಾಶಯ ತನ್ನ ಮಗಳಿಗೇ ಪ್ರೇಯಸಿಯ ಹೆಸರಿಟ್ಟಿದ್ದಾನೆ! ಇದು ನಡೆದಿರುವುದು ಅಮೆರಿಕಾದಲ್ಲಿ.
ತಂದೆಯ ಈ ಕಳ್ಳಾಟವನ್ನು ಸ್ವತಃ ಮಗಳೇ ಬಹಿರಂಗಪಡಿಸಿದ್ದಾಳೆ. ನನ್ನ ತಂದೆ ಪ್ರೇಯಸಿಯ ಹೆಸರನ್ನೇ ನನಗಿಟ್ಟಿದ್ದಾರೆ. ಇದರಿಂದ ಬೇರೆ ಯಾರಿಗೂ ಸಂಶಯ ಬಾರದು ಎಂಬುದು ಅವರ ಉದ್ದೇಶ ಎಂದಿದ್ದಾಳೆ.
ಆಕೆ ಹುಟ್ಟುವ ಮೊದಲೇ ತಂದೆ-ತಾಯಿ ಇಬ್ಬರೂ ಮಗುವಿನ ಹೆಸರಿನ ಬಗ್ಗೆ ತೀರ್ಮಾನ ಮಾಡಿದ್ದರಂತೆ. ಒಂದು ವೇಳೆ ಮಗ ಹುಟ್ಟಿದರೆ ಪತ್ನಿ ಹೆಸರಿಡುವುದು, ಮಗಳು ಹುಟ್ಟಿದರೆ ತಂದೆ ಹೆಸರಿಡುವುದು ಎಂದು ತೀರ್ಮಾನಿಸಿದ್ದರಂತೆ. ಅದರಂತೆ ಮಗಳು ಹುಟ್ಟಿದ ಕಾರಣ ತಂದೆ ತನ್ನ ಪ್ರೇಯಸಿಯ ಹೆಸರಿಟ್ಟಿದ್ದಾರೆ! ಎಲ್ಲರ ಹೆಸರಿನ ಹಿಂದೆ ಇಂತಹದ್ದೇ ಕ್ಯೂಟ್ ಕತೆಯಿರಬಹುದು ಎಂದು ಮಗಳು ಹೇಳಿಕೊಂಡಿದ್ದಾಳೆ.
